SHKODËR - Klubi i Futbollit Vllaznia ka zyrtarizuar Edi Martinin si trajnerin e ri të skuadrës për sezonin 2025-26. Pas 15 vitesh, djali shkodran rikthehet në stolin e Vllaznisë, ekip që e kishte drejtuar në vitin 2010 kur ishte vetëm 35 vjeç dhe ende nuk e kishte fituar përvojën e trajnerit.

Klubi kuqeblu nuk ka humbur kohë dhe pasi largoi trajnerin Thomas Brdaric dhe drejtorin Tefik Osmani, ka zyrtarizuar lëvizjen e parë. Edi Martini pritet të fillojë punën me grupin pasi Vllaznia po përgatit verën e nxehtë në Evropë, duke dashur të kalojë në turet e Conference League.

"KF Vllaznia bën të ditur se ka arritur akordin me një nga emrat e njohur të futbollit shkodran, pikërisht z.Edi Martini, për të qenë ai trajneri i ri i skuadrës për sezonin 2025-2026. Mirë se u riktheve në shtëpi", bën me dije Vllaznia.

NDRYSHIMET - Humbja në finalen e sezonit kundër Egnatias (4-0) solli një "furtunë" në Shkodër dhe ndryshimet pasuan dështimin që pas 24 vitesh futbollistët të merrnin me vete titullin e Superligës në Shkodër.

EDI MARTINI - 50 vjeçari Martini është i njohur për pesë aventurat në stolin e Teutës, ku në drejtimin e tij durrsakët fituan Superligën (2020-21), Kupën e Shqipërisë (2019-20) dhe Superkupën (2020-21). Veç Teutës, Martini ka qenë edhe trajner i Luftëtarit në sezonin 2012-13, ndërsa prej shkurtit të këtij viti drejtonte Trepçën në Kosovë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lui: 15/05/2025 14:43

    Berdaric nje trainer medioker nuk duhet te ishte kthyer me pasi humbi titullin kur ishte 15 pike avantazhe nga ekipet e tjera edhe kte sezon nuk kishte lidhje me ndeshjen nga pjesa e pare ne te dyten, suksese martinit ne kthimin ne shtepi

    Përgjigju
  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera