POP 5

Lajmet më të lexuara të 5 minutave të fundit

Kronikë

Lavdërim Tufa do lirinë
Caka kërkon ulje dënimi

Lavdërim Tufa dhe Lulzim Caka të dy të dënuar për vrasje, i janë drejtuar gjykatës së Tiranës, ku Tufa kërkon të lirohet me kusht ndërsa Caka u kërkon togave të zeza ti ulën masën e dënimit.
Lavdërim Tufa do lirinë<br />Caka kërkon ulje dënimi
TIRANE- Lavdërim Tufa dhe Lulzim Caka të dy të dënuar për vrasje, i janë drejtuar gjykatës së Tiranës, ku Tufa kërkon të lirohet me kusht ndërsa Caka u kërkon togave të zeza ti ulën masën e dënimit. Të dyja kërkesa penale janë rregjistruar në sekretarinë gjyqësore në 24 dhjetor të vitit të kaluar. Tufa i drejtohet gjykatës për herë të tretë brenda një viti, i cili në dy kërkësat e para arriti të bindë gjyqtarët, duke vendosur uljen e dënimit të tij, me 15 muaj burg, ndërkohë që në kërkesën e tretë Lavdërim Tufa, i dënuar për vrasjen e Fatmir Ramës ose “Miri i Xhikës”, kërkon lirimin me kusht nga burgu. Aktualisht Lavdërim Tufës, i kanë mbetur për të qëndruar në burg 4 vjet e katër muaj. Këtë masë dënimi, i akuzuari i vetëm për vrasjen e biznesmenit të akuadromit në 29 mars 2003, kërkon ta kompesojë duke u vënë në shërbim prove.

Kërkesa e Cakës
Lulzim Caka një nga krerët e bandave kriminale që ka vepruar në Shqipëri, kryesisht në zonën e Beratit, Fierit dhe Lushnjës, gjatë viteve 1995-2000, i dënuar me 25 vite burg, i është drejtuar gjykatës së Tiranës, ku kërkon uljen e këtij dënimi. Si argument për të kryer këtë kërkesë është bërë sjellja shumë e mirë e tij, e cila nënvizohet dhe në një raport nga drejtoria e burgut. Sipas vlerësimit të raportit, i dënuari ka respektuar me korektësi rregulloren e brendshme dhe nuk është ndëshkuar asnjëherë me masë disiplinore. “Me personelin dhe bashkëvuajtësit e tjerë, ka krijuar mardhënie korekte dhe të mira.

Me familjen dhe të afërmit ka mbajtur kontakte të vazhdueshme. Është i përfshirë në veprimtaritë e punësimit për të dënuarit duke u bërë pjesë e organikës së punës. Ka treguar interes të marrë pjesë në programet e formimit profesional. Përfshihet rregullisht në veprimtaritë kultorore dhe sportive”-thuhet në raportin e vlerësimit. Tufa dhe Caka, janë dënuar për akuzat e verasjes. Caka, njihet për krijimin e bandës së tij, e cila më tepër ka vepruar gjatë viteve 1997-2000. Ai konsiderohet si i “forti i Beratit” dhe njihet si hasmi i betuar i familjes “Çami”.
 

Shkrimi u publikua sot (14.01.2014) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Spahiu: Qeveria teknike e 2017 kishte 10 ministra nga PD por humbi 10 herë më thellë

Spahiu: Qeveria teknike e 2017 kishte 10 ministra nga PD por humbi 10 herë më thellë

23 Dhjetor, 23:01