Mbrëmjen e të hënës Serie A e futbollit në Itali mbylli raundin e pestë. Tri pikë siguruan Parma dhe Lazio, ndërsa mbrojtësi i Kombëtares, Ardian Ismajli la fushën i dëmtuar.

Në 'Ennio Tardini', vendasit e Parmës fituan 2-1 kundër Torinos. Si të mos mjaftonte humbja, trajneri Marco Baroni u detyrua të largonte nga fusha Ardian Ismajlin, i cili në minutën e 75-të pësoi një lëndim. Ende nuk dihet gjendja e tij e dëmtimit, por në prag të ndeshjes së Kombëtares kundër Serbisë, pas Kumbullës edhe Ismajli pëson një lëndim. Sa i takon fushës, Parma iu fal dopietës së Mateo Pellegrinos në minutat 36-të (11 m) dhe 72, teksa përkohësisht barazoi Ngongo në minutën e 50-të. Kristjan Asllani ishte në fushë për 71 minuta me Torinon.

Në 'Luigi Ferraris', Genoa nuk mundi të gëzonte tifozët, kjo pasi Lazio fitoi 0-3 duke mos i lënë asnjë mundësi ekipit të Patrick Vieira. Sfida u zhbllokua pas vetëm katër minutave lojë nga Cancellieri, ndërsa Castellanos dyfishoi brenda pjesës së parë. 'Vulën' tri pikëve ia vendosi Zaccagni me golin në minutën e 63-të. Hysaj u fut në fushë për Lazion pas minutës së 32, duke zëvendësuar të dëmtuarin Marusic. Lazio rigjeti fitoren pas dy humbjeve radhazi.

Tabelën e klasifikimit e udhëheqin Milan, Napoli dhe Roma me 12 pikë, ndjekur nga Juventusi me 11 pikë.

Serie A, raundi 5 - e hënë, 29 shtator 2025

Parma 2-1 Torino

Genoa 0-3 Lazio

Renditja:

Rendit zhvillimet sipas orarit:
Ora 11:42
VIDEO/ Lazio rigjen fitoren, i shënon tre gola Genoas dhe e 'zhyt' në fund

Në 'Luigi Ferraris', Genoa nuk mundi të gëzonte tifozët, kjo pasi Lazio fitoi 0-3 duke mos i lënë asnjë mundësi ekipit të Patrick Vieira. Sfida u zhbllokua pas vetëm katër minutave lojë nga Cancellieri, ndërsa Castellanos dyfishoi brenda pjesës së parë. 'Vulën' tri pikëve ia vendosi Zaccagni me golin në minutën e 63-të. Hysaj u fut në fushë për Lazion pas minutës së 32, duke zëvendësuar të dëmtuarin Marusic. Tanimë Lazio me gjashtë pikë pas pesë javëve, ndodhet në vendin e 12-të në Serie A. Lazio rigjeti fitoren pas dy humbjeve radhazi.

S.Dh/Shqiptarja.com

Ora 11:41
VIDEO/ Parma mposht 2-1 Torinon, Ardian Ismajli lë fushën i dëmtuar

Në 'Ennio Tardini', vendasit e Parmës fituan 2-1 kundër Torinos. Si të mos mjaftonte humbja, trajneri Marco Baroni u detyrua të largonte nga fusha Ardian Ismajlin, i cili në minutën e 75-të pësoi një lëndim. Ende nuk dihet gjendja e tij e dëmtimit, por në prag të ndeshjes së Kombëtares kundër Serbisë, pas Kumbullës edhe Ismajli pëson një lëndim. Sa i takon fushës, Parma iu fal dopietës së Mateo Pellegrinos në minutat 36-të (11 m) dhe 72, teksa përkohësisht barazoi Ngongo në minutën e 50-të. Kristjan Asllani ishte në fushë për 71 minuta te Torino. Pas pesë ndeshjeve të këtij sezoni, Parma me 5 pikë i merr vendin e 14-të Torinos, duke lënë ekipin 'granata' një pozitë më poshtë me katër pikë.

S.Dh/Shqiptarja.com

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera