POP 5

Lajmet më të lexuara të 5 minutave të fundit

Sport

Lazio mposht Marseille-n dhe siguron kalimin e grupit, debutim për t’u harruar për Grezdën

Lazio ka mposhtur me shifrat 2-1 Marsejën në “Europa League” duke marrë një fitore të rëndësishme e cila i siguron kualifikimin në fazën me eliminim direkt. Tre pikë edhe për Çelsin në grupin L, që sonte mposhti minimalisht Bate Borisov në Bjellorusi.

Lazio mposht Marseille-n dhe siguron kalimin e grupit, debutim për t’u harruar për Grezdën

Momente nga ndeshja Lazio-Marseille

Lazio e Thomas Strakoshës ka marrë një fitore shumë të rëndësishme në Europa League pasi ka mposhtur me rezultatin 2-1 Marsejën. Ekipi italian me këtë rezultat së bashku me Frankfurtin ka siguruar kalimin e grupit, duke u bërë ndër skuadrat e para që futet në 32-she.

Në “olimpiko” ndeshja u zhbllokua në minutat e fundit të pjesës së parë, me Parolon që realizoi një gol të bukur me kokë. Në pjesën e dytë vendasit dyfishuan rezultatin me Korrean që u asistua në mënyrë të përkryer nga Immobile. Francezët shkuartan diferencat në minutën e 60-t me Thauvin, por deri në fund të lojës, edhe për meritë të Strakoshës, nuk arritën të dilnin me pikë nga ky takim. Një rezultat që vulos skualifikimin e Marsejës nga ky kompeticion që në fazën e grupeve. Ndërkohë takimi tjetër i këtij grupi mes Apollon dhe Frankfurtit ka përfunduar 2 me 3 në favor të gjermanëve.

Në Grupin L ndërkohë edhe Chelsea ka siguruar kualifikimin për më fazën me eliminim direkt. Të besuarit e Sarrit kanë mposhtur minimalisht 0-1 Bate Borisov, duke grumbulluar pikët e plota pas katër ndeshjesh. Golin e fitores në Bjellorusi e realizoi Giroud në minutën e 53-t.

Ndërkohë debutimi i Eros Grezdës në “Europa League” me Rangersin nuk ka shkuar siç duhet pasi skocezët janë mposhtur 4-3 nga Spartaku i Moskës. Edhe pse miqtë nga britania kaluan tre herë në avantazh, në fund triumfuan rusët. Grezda hyri në lojë në minutën e 82-t kur rangersi po humbiste, por nuk arritit t’i jepte një tjetër drejtim ndeshjes.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Cilët janë sot patriotët dhe atdhetarët dhe kush meriton të festojë Pavarësinë?

Cilët janë sot patriotët dhe atdhetarët dhe kush meriton të festojë Pavarësinë?

28 Nëntor, 09:35 nga Alba Malltezi