Flamuri i Kosovës dhe himni shtetëror aktual, konsiderohen nga LDK si simbole të sjellura nga Kryeministri Hashim Thaçi.
Ky ndryshim do të bëhet me pëlqimin e të gjithë qytetarëve të Kosovës, përfshirë edhe minoritarët, sqaroi Mustafa pas përfundimit të Kuvendit të Punës ku anëtarët e LDK miratuan programin dhe statusin e të partisë.
“Vlerësojmë qind për qind se do të vijmë në pushtet dhe atëherë ne do të zhvillojmë procedura qind për qind demokratike, në mënyrë që flamuri i ardhshëm i Kosovës të jetë flamuri i Dardanisë dhe himni i ardhshëm të jetë himni i Ibrahim Rugovës, por jo me procedura jodemokratike. Nëse pajtohen të gjithë qytetarët e Kosovës, natyrisht kjo kërkon edhe pajtimin e minoriteteve, edhe pëlqimin e faktorëve që na kanë ndihmuar, ne do ta bëjmë me një procedurë të rregullt demokratike. Synimi ynë është se Kosova i meriton ato simbole dhe ato të jenë simbole të Republikës së Kosovës”, ka thënë Mustafa. (im/shqiptarja.com)