“Airport”, Shpëtim Idrizi: Duhet
një qeveri koabitacionale

TIRANE - Në studion e emisionit “Airport” në A1Report, drejtoresha e gazetës “Shqiptarja.com” kishte të ftuar kryetarin e PDIU Shpëtim Idrizin. Në panel ishin edhe analistët Aleksandër Çipa dhe Ilir Kulla. Zgjedhjet, fushata, koalicionet, e tashmja dhe e ardhmja e kësaj partie ishte në fokusin e këtij emisioni. Një nga idetë më të veçanta të Idrizit ishte ajo e një qeverie koabitacioni.

Duket se problematika e çamëve në këto zgjedhje është shumë e gjërë, shumë e madhe, duket se çamët janë të përçarë. Zoti Idrizi pak më parë më kundërshtoi, duke thënë se do të flasim për partinë Drjetësi Intergrim dhe Unitet, por ka një problematikë me çamët zoti Idrizi, do të dalin një palë në koalicionin e djathtë dhe një palë në koalicionin e majtë apo jo?
Në fakt nuk është tamam kështu sepse po flasim për partinë për Drejtësi Integrim dhe Unitet dhe kauzat e saj janë kauza të njohura ku sigurisht më kryesore është kauza e shqiptarëve të Çamërisë edhe si vokacion i brendshëm personal i atyre që kanë themeluar këtë parti, por ju po e shihni dita ditës që partia për Drejtësi Integrim dhe Unitet është e shtrirë në të gjithë territorin e Shqipërisë madje është një parti e provuar elektoralisht. Kam parsysh në zgjedhjet e para ku ne konkuruam dhe morëm 65 mijë vota.
 
Ju doni të thoni që këto nuk janë vetëm vota çamësh, këto janë vota përtej komunitetit çam në Shqipëri?
Padyshim, sepse partia për Drejtësi Integrim dhe Unitet është një parti kombëtare, nuk është një parti lokaliste apo e fokusuar thjesht dhe vetëm mbi një komunitet.

Unë kam një pyetje këtu për të bërë: Sa çamë llogariten dhe llogaritni ju si parti në të gjithë territorin e vendit apo nuk keni ndonjë statistikë?
Atëhere, po ju them edhe një herë tjetër që bëhet fjalë për partinë për Drejtësi Integrim dhe Unitet, e cila kauzën kryesore ka kauzën kombëtare ku pjesa e shqiptarëve të Çamërisë apo padrejtësia e bërë mbi ta është pjesa kryesore, jo thjeshtë dhe vetëm shqetësimi jonë personal dhe vokacioni jonë familjar, por mbi të gjitha do të thoja që është një pjesë shumë e rëndësishme e identitetit tonë kombëtar, pra ne kur flasim për çëshjen e Çamërisë, e cila tashmë është bërë çështje e të gjithë shqiptarëve duam që të plotësojmë me një gjë të munguar prej vitesh do të thoja hartën identitare të kombit shqipëtar e cila fillon që nga Presheva deri në Mollën e Kuqe.

Dhe përtej retorikës nëqoftëse ne do shohim votat që partia për Drejtësi Integrim dhe Unitet ka marrë që nga Tropoja deri në Konispol besoj ato flasin vetë për shtrirjen e partisë sonë në të gjithë territorin e Shqipërisë. Për sa i përket pyetjes tuaj sesa janë komuniteti i shqiptarëve të Çamërisë në Shqipëri po ju them që drejt Shqipërisë kanë ardhur disa valë të shqiptarve të komunitetit çam duke filluar që nga viti 1913 kur ashtu siç Kosova jashtë trungut të Shqipërisë politike u nda dhe Çamëria dhe Kosova.

Çamëria nuk është një grumbull fshatrash apo një krahinë e parëndësishme, bëhet fjalë për 9800 km katrorë, 5 % më pak sesa Kosova. Dhe nëqoftëse do ti marrim të gjithë valët e shpërnguljes duke filluar që nga viti 1913, që nga ky moment e deri sot që flasim shteti Grek ka pasur një strategji të qartë dhe të pastër, spastrimi etnik genocidi mjafton të ju kujtoj faktin që dy muaj mbasi Çamëria ra nën autoritetin e Greqisë janë thirrur për herë të parë 72 krerët e Çamërisë pra personat më përfaqësues të këtij komuniteti, janë thirrur në një takim me autoritetet e reja le ta quajmë dhe janë masakruar.
 
Zoti Çipa, e dëgjuam zotin Idrizi, ju jeni dakort plotësisht me të që nuk është se kërkojnë vetëm votën elektorale të komunitetit çam apo partia Drejtësi Integrim dhe Unitet, por edhe më gjërë se kaq?
Po mendoj se është një gjetje inteligjente e thithjes së domenit të votave për llogari të një logoje partiake që natyrisht përfaqëson një kauzë që e ka investimentin kryesor të marrëdhënies së saj me politikën. Në pikëpamjen taktike unë mendoj që kjo është një gjë shumë e mirë, është një gjë që e potencion partinë e zotit Idrizi, jo vetëm në raportet e qeveribërjes, por më së shumti në maksimalizimin e vokacionit të vet politik i cili nuk është i vlefshëm vetëm brenda hapësirës së Shqipërisë administrative por që krijon të gjitha premisat për ta futur në hollinë institucionale të trajtimit çështjen çame.

Për të qenë të sinqertë, kalendari i angazhimeve politike por më së shumti politiko diplomatike që PDIU ka ndërmarrë sidomos gjatë periudhës së mandatit që po mbyllet është hera e parë që axhendon në raportet, jo vetëm bilaterale dhe këtu nuk kam parasysh Shtetet e Bashkuara të Amerikës por edhe në përfaqësitë dhe kancelaritë ndërkombëtare. Dërgesat e realizuara herë pas here përmes prezencës së zotit Idrizi në cilësinë e kryesuesit të kësaj partie, por njëkohësisht edhe përfaqësuesit parlamentar të vendit , bashkë me deputetin tjetër për herë të parë në historinë e kontributit institucional të Shqipërisë kanë bërë të mundur që kongresi Amerikan dhe institucionet e tjera edhe në Bruksel të tërheqin vëmëndjen dhe ta marrin në konsideratë. Dhe kjo është pranuar edhe nga le të them antagonistët politikë të PDIU-së, vetë zoti Duli edhe vetë përfaqësuesit e tjerë të partisë greke e kanë pranuar vetë këtë gjë.
 
Do të flasim më vonë për këtë gjë, dua të pyes zotin Kulla dhe pastaj dhe zotin Idrizi për këtë: duket se çëshja çame nuk është vetëm një çështje e partisë PDIU-së z.Kulla, por tashmë është edhe në programin e PS-së, në progrmain e LSI-së domethënë të gjitha partitë kanë filluar sikur e shfrytëzojnë këtë çështje për të mbledhur sa më shumë vota, i bie që të jetë kjo vetëm epiqendra e PDIU-së?
Atëhere, gjërat vijnë me rradhë. Ndërkombëtarizimi i çëshjes çame pas përfundimit të dy çëshjeve më të mëdhaja të Kosovës dhe të shqiptarve Maqedonisë ishte një valë e pritshme sepse në sistemet e hapura, në një Evropë që heq kufijtë, modele shtetesh ku të drejtat e njeriut shkojnë deri në nivelet më të larta me rezoluta ndërkombëtare të kombeve të bashkuara të Këshillit të Evropës ishte absolutisht e mundëshme që në Shqipëri ku komuniteti çam ka arritur nivele shumë të larta në fushën akademike, qoftë në fushën politike, qoftë në biznes kjo çështje do të rihapej

Nëse ne do ta shohim, nuk kanë qenë vetëm çam ose më mirë le të themi nuk kanë qenë iniciuesit çam, kujtoj këtu Pëllumb Xhufin i cili është akademik, nuk ka lidhje, nuk është çam por është një njeri që ka bërë goxha betejë politike nga pikëpamja akademike. Kujtoj edhe mikun tonë Mentor Nazarku i cili gjithashtu nuk është çam dhe ka bërë pak a shumë të njëjtën gjë por problemi është se kjo ka lindur nga një mohim total grek rreth çështjes së Çamëris grekërit vazhduan të thonë zyrtarisht se Çamëria nuk ekziston.

Po kjo është një faj i strukturave shtetërore Shqipëtare?
Jo, ky ka qenë një gabim strategjik i Greqisë sepse historia vjen me cikle, mos harroni që ne kemi jetuar të gjithë në perandorinë osmane dhe 100 vjet përpara perandoria osmane filloi shpërbërjen e saj. Sot jetojme në një epokë ku ministri i jashtëm profesor Ahmad Dautoglu ka rimarë nga pikëpamja filozofike-politike idenë e bashkëpunimit të ngushtë me të gjitha vendet që kanë jetuar gjatë kohës së perandorisë osmane dhe këtë e bënë me ekonominë, këtë e bënë me besimin fetar, me politikën, me shkëmbimin, me turizmin sepse është globalizmi, sistemet e hapura nuk i pengon dot dhe nacionalizmi ultranacionalizmi grek, ultranacionalizmi fetar i ka ikur koha dhe gjendet përballë këtyre valëve.

Mos gaboj zoti Idrizi ka qenë para disa muajsh në Izmir ku jeton një komunitet shumë i madh çam, por nuk është vetëm Izmiri, janë edhe pjesë të tjera të Turqisë. Tek këta njerëz nuk mund të thuash që historia e tyre nuk ka ekzistuar, nuk mund të thuash që këta njerëz kanë qenë bashkëpunëtorë me nazizmin prandaj i kemi dëbuar. Atëhere çfarë duhet të themi për ngjarjet që ndodhin sot, pra le të themi që Çamëria ka qenë pjesë e rëndësishme e çështjes tonë kombëtare dhe gabimi grek lidhet me faktin që ata e kanë mohuar. Fakti që partitë politike shqiptare e kanë rimarrë këtë çështje lidhet me dy elementë.
 
Pse kujtohemi për komunitetin çam vetëm në momentin kur ka zgjedhje?
Lidhet me dy elementë, një është faktori elektoral dhe mund të ju them se vetë zoti Idrizi përshembull çështjen e rezolutës e ka çuar pikërisht përpara zgjedhjeve që ishte për të rritur ritingun elektoral.
 
Tamam për të marrë vota...
Të njëjtën gjë kanë bërë dhe partitë e tjera sepse komuniteti çam në këto rajone ku jeton ka një peshë elektorale të cilën e ka pasur vazhdimisht por tani me daljen e PDIU-së dhe të partisë tjetër Aleanca Popullore ku është brenda lëvizja çame duket që strukturimi politik i çështjes çame kalon përtej çamëve dhe është një çështje mbarëkombëtare dhe këtu pajtohem me zotin Idrizi.
 
Zoti Idrizi për këtë çështje, ja u kanë privatizuar kazusin ndërkohë ju po e përdorni edhe për çështje elektorale?
Më lejoni që të shpjegoj apo të jemi i qartë në pozicionin e partisë për Drejtësi Integrim dhe Unitet për çëshjen çame. Padyshim që kjo që po ndodh tani që të gjithë partitë politike po kujtohen për çështjen çame sigurisht që nuk ka ardhur rastësisht pra në një momënt të caktuar por le të jemi realist është një punë e jashtëzakonshme prej katër vjetësh të partisë për Drejtësi Integrim dhe Unitet, janë me mijëra dalje publike, lobime në diplomaci, aktivitete të jashtëzakonshmë.
 
Po katër vjetë janë zoti Idrizi, nuk është se janë 23-vjet aq sa kanë në tranzicionin shqiptar?
Për katër vjet po flas edhe unë sepse ju e dini shumë mirë që katër vjet më parë çështja çame nuk ishte kaq interesante për partitë politike shqiptare.
 
Po ja pse nuk ishte për ju, ju keni qenë në strukturat e Partisë Socialiste?
Në 2005 unë jam bërë për herë të parë deputët në Parlamentin e Shqipërisë dhe mbas gjashtë muajsh unë kam daljen e parë publike në parlamentin shqiptar për të kërkuar një minutë heshtje për atë tragjedi të madhe dhe për mijëra viktima të shqiptarëve të Çamërisë dhe besoj se janë të gjitha rekordet që Shpëtim Idrizi ka qenë vazhdimisht aktiv edhe kur kam qenë me Partinë Socialiste për çështjen e shqiptarëve të Çamërisë i cili është edhe vokacioni im personal.

Por le të kthehemi në katër vitet e fundit, e gjithë kjo punë që ne këmi bërë për ta sjellë çështjen çame nga periferia në qendër të politikës shqiptare dhe kjo fillon që nga Parlamenti Shqiptar pra falë punës së shoqatës çamëria edhe të PDIU-së, ne kishim një deputet të dalë nga votat e komunitetit çam, ju bashkova dhe unë këtij vokacioni i cili është i natyrshëm për Shpëtim Idrizin dhe këtë e kam treguar dhe në këto katër vjetë, për ta sjellë çështjen çame tashmë në qëndër të vendimarrjes politike dhe në qendër të vizibilitetit politik.

Dhe është plotësisht normale që mbas katër viteve, mbas gjithë këtij aktiviteti që kemi bërë ne e kemi pasur që në fillim të qartë që vërtet ne jemi dhe vijmë nga ky komunitet por çështja çame nuk mund të jetë vetëm e shqiptarëve të çamërisë, përkundrazi është një vokacion kombëtar në mënyrë solidariteti dhe uniteti që ne kemi treguar gjithmonë si komb. Edhe ne kemi punuar bashkë me të gjithë shqiptarët që të kishim një Kosovë të pavarur apo që të drejtat e shqiptarëve në Maqedoni të avanconin apo për të drejtat e shqipëtarëve në Malin e Zi.

E vetmja pjesë e cila për 70 vjet në presionin e Athinës zyrtare dhe nën servilizmin e politikave dhe politikanëve shqiptarë e cila kishte tentuar që të mbetej në harresë dhe kjo ka qenë gjendja para 4 vjetëve ishte çështja e shqiptarëve të Çamërisë. Ne e kishim dhe e kemi shumë të qartë dhe kjo nuk ka të bëjë me strategjinë elektorale, por ka të bëjë me një strategji të një çështje e cila i përket të gjithë shqiptarëve dhe nëqoftëse do që ti bësh dëm çëshjes çame duhet që shqiptarët e çamërisë ti lesh të veçuar, të luftojnë ata për kauzën e tyre. Kauza e shqiptarëve të Çamërisë është kauza e të gjithë shqiptarëve.

Unë nuk dua të dal nga pyetja, këtu jemi duke trajtuar çëshjen çame dhe në aspektin historik, por unë dua të dal në aspektin elektoral, aty ku ne jemi duke folur...
Jam brenda kontekstit të pyetjes, me këtë dua të them që është normale që për ne si parti politike reale ti japim shqiptarëve një çështje të vërtetë kombëtare patriotike edhe për të ngjallë patriotizmin, identitetin kombëtar. Çështja e shqiptarëve të Çamërisë nuk është vetëm e jona. Ne jemi shqiptar. Ne nuk jemi as minoritet, nuk jemi as eskimez, do të thotë që çështja e shqipëtarëve të shqipërisë si e drejtë e mohuar e një pjese vitale të popullit shqiptar i takon dhe Anila Bashës edhe Ilir Kullës edhe zotërisë, i takon dhe të gjithë shqipëtarëve.

Dhe pikërisht ne këtë kemi bërë. Sigurisht që rritja e valencës sonë, 4-fishimi i votave, prezenca jonë kudo e kanë bërë që në çështjen çame për efekt elektoral gjithë të tentojnë që të fusin nga pak duart qoftë edhe me shkizma artificiale, të sajuara që nuk kanë asnjë efekt elektoral. Edhe një herë tjetër po ju them që PDIU-ja është një parti e votuar, kemi edhe 23 ditë dhe do ti shohim edhe rezultatet zgjedhore.
 
Desha t'u pyes Z.Idrizi kaq pasiguri kishit që do të ishit jashtë parlamentit për të hyrë në listat e Partisë Demoktatike?
Përkundrazi nuk ishte zgjedhje e jona. Atëhere unë po ju a them këtu hapur në të gjitha takimet që unë kam bër me Partinë Demokratike, vazhdimisht nuk i kam kërkuar asnjëherë, këtë po e them publikisht, që kyetari i Partisë për Drejtësi Integrim dhe Unitet të ishtë pjesë e listave.
 
E ka kërkuar Berisha?
Po flas për veten time, ne asnjëherë nuk kemi kërkuar garancira për administrimin zgjedhor dhe këtë po ju a them publikisht. Ndoshta kryetarë partish të tjera e kanë nisur negociatën nga kjo gjë. Edhe në takimin ku kemi bërë marrvveshjen i kam thënë që ne nuk jemi të interesuar dhe nuk është Partia për Drejtësi, Inegrim dhe Unitet, e cila u bën presion për të futur kryetarin e saj nëpër lista. Madje unë sot edhe kësaj dite vazhdojë të jem kryetari i shtabit elektoral të PDIU-së , për qarkun e Tiranës aty ku unë kisha vendosur që të kandidoja

Sa mandate pretendoni të merrni zoti Idrizi?
Ne duke qen brenda pjesës realiste kemi programuar që të tentojmë deri në 7 mandate.
 
Ku?
Në pesë qarqet që ne jemi prezent bashkë me këtë mandatin që diskutuam gjashtë, besoj dhe shpresoj të bëjmë edhe një qark tjetër surprizë.
 
7 mandate pretendon zoti Idrizi?
Që ta ndihmoj diskursin, sepse nuk dua që të bëhem si ata që thonë që do bëj 10 gola me kokë. Se ka parti sot që thonë që do marrim 40 mandate, ka dhe disa të tjerë që do marrin 30 mandate
 
Ju partitë e vogla pastaj për PD dhe PS-në nuk do lini deputet…
Unë nuk e di sa do marrë PD dhe PS, por po ju jap disa të dhëna që të orientoheni më mirë. Në vitin 2009 Partia për Drejtësi , Integrim dhe Unitet mori dy deputetë, një në qarkun e Vlorës dhe një në qarkun e Fierit, i cili ju shit dhe ju dha Partisë Socialiste dhe ky është një fakt publik. U shit sepse u tha që u mor për 150 vota, ndërkohë që u morën nja dy kuti dhe u trasportuan në Tiranë.

A u vodhën vota, si është e mundur?
Si është e mundur të vidhen vota në Shqipëri. Nëqoftë se ti..

Po jeni në koalicion me PD-në, Zoti Berisha pretendon që zgjedhjet e 2009-ës…
Anila ne e dime çfarë ndodh në realitet
 
Ne e dimë dhe e kemi komunikur, por një parti aleate e qeverisë që thotë janë vjedhur vota është...
Të gjithë e thonë këtë gjë
 
Jo, zoti Berisha nuk e pranon këtë gjë, më falni
Më fal, unë nuk përfaqësoj zotin Berisha
 
Koalicioni…
Unë e di shumë mirë. Me qënë se më kujtove 2009, njoh mirë sistemin unë e di edhe çfarë ndodh në terren. Atëherë ky është një nga gangrenat më të mëdhaja të Shqipërisë, që ne duhet të shkojmë edhe të bëhemi pjesë e Europës  dhe akoma pas 23 viteve ne nuk e kemi zgjidhur dot drejtësinë e zgjedhjeve. E di pse?  Sepse ne jemi 86 parti dhe na i numërojnë 2 parti votat, ky është handikapi më i madh dhe pastaj po këto dy parti ankohen që na vodhën apo u vodhën votat. Atëherë me një fjali për vitin 2009, PDIU mori 2 mandate, besoj se pas bashkimit tonë pas disa punësh qe kemi bërë.

Pas hapjes me gjithë shqiptarët që e shohin këtë si çëshjte kombëtare të të gjithë shqiptarëve. Unë jam i bindur që ne të pretendojmë edhe tre mandate të tjera që bëjnë pesë, pra në Tiranë në Durrës dhe në Elbasan edhe sondazhent ne na nxjerrin në këtë pozicionm bashkë me mandatin që sapo thamë bëjnë 6 mandate. Shpresojmë të bëjm edhe një mandat tjetër suprizë jashtë këtyre qarqeve dhe me qe jemi te llogaritë, ne kemi 5500-6000 vota në të gjitha këto qarqe, një kalim elektoral.
 
Komuniteti çam është shpërndarë tashmë në të djathtë dhe në të majtë…
Komuniteti çam nuk është ndarë sepse është një sistem, kanë dalë disa njerëz që nuk e di se cfarë përfaqësojnë. Ku janë para ne jemi të githë këtu i shohim, dhe është një tendencë e sponsorizuar nga Partia Socialiste dhe këta miqtë e mij të djeshëm, që kur ishin të gjithë bashkëm merrnin 1000 vota në Tiranë, kurse ne do marrim një mandat në Tiranë, shkuan dhe u bashkuan me atë topin që keni vënë aty dhe ata le ta japin shpjegimin vetë.
 
Ato janë logo të partive që janë në parlament…
Komunteti çam është më bashkë se kurrë, kemi bashkuar dy parti dhe jo individë, sigurisht duke u bërë shumë interesant ne, Të gjtha partitë e tjera po mundohen të fusin duart. Unë jam i lumtur që PD dhe PS dhe të gjitha partitë e tjera e kanë çështjen çame prioritet të tyrën, Ky është kontribut i punës tonë dhe i interesit electoral.

 Zoti Çipa, nga shtatë mandate, përmendi gjashtë, përmendi pesë, plus  një. Pak konfuz mu duk zoti Idrizi?
Në parashikimin e z.Idrizi unë shikoj, unë lexoj atë hiperbolën e përmbajtur. Eshtë e vërtetë, me mundësinë që ka pasur PDIU, në përfshirjen në kabinetin qeverisës, ka krijuar padyshim një mbështetje më të gjerë, një pragmatizëm elektoral i cili është evident dhe i shfaqshëm. Eshtë kauza gjithashtu që përfaqëson, që shkakton një sensibilitet dhe ndjeshmëri të lartë kombëtariste dhe kjo është evidente.

Në periudhën e fundit sidomos çështjet e trajtimit dhe të selektimit të koalicuioneve me të cilat do të diskutohej, u vendosën disa kritere të cilat në thelb e respektonin diferencën që duhej të mbahej me partinë që përfaqëson pakicën greke, dhe në këtë pikëpamje duket se është moderuar politkisht pozicionimi i PDIU-së. Por është e kuptueshme, që unë nuk mendoj se do të jenë shtatë mandate. Për të qenë realist në parashikimin tim shof , përjashto mandatin e siguruar të zotit Idrizi, mundësinë e pasjes së tre mandateve të tjera. Ky është leximi im.

Është e kuptueshme, pavarësisht nga shpërfillja që i bën fraksionit tjetër që është në një tjetër koalicion,  do të sjellë një grimcim të përfaqësimit, jo në mandate ndoshta, por në votat që përfaqësojnë komunitetin çam. Ky do të jetë një efekt i pashmangshëm dhe kjo është e natyrshme. Nga ana tjetër, më lejoni të bëj një qasje të shkurtër ndaj asaj që z.Idrizi e shrehu si ankimtari ndaj dy partive të rëndësishme. Eshtë një paradoks në politikën shqiptare që historiskisht partitë e vogla, janë ankimtare të përhershme ndaj dy aleatëve të cilat ose i ndërrojnë në kohë të ndryshme...dhe nuk se ndërtojnë një strategji që të jetë penalizuese edhe për të mëdhatë, sepse ka shumë mundësi në politikë edhe për këtë.
 
Zoti Kulla, atëherë, shtatë mandate thotë zoti Idrizi, katër thotë zoti Çipa...
Unë mendoj se zoti Idrizi mandatin e Tiranës e ka të sigurtë. Eshtë një qark që ka dhënë vota edhe në 2009 edhe në 2011, dhe besoj se do të japë vota edhe në 2013. Qarkun e Durrësit do të mund ta merrte nëse nuk do të kishte qenë kandidat për PR zoti Duka, sepse besoj se ka për të qenë ai mandati tjetër i djathtë në këtë qark, dhe ka mundësi ta çojë Durrësin në tetë, sepse shtatë është e sigurtë për të djathtën. Në qarkun e Fierit, besoj se do ta marrë zoti Idrizi.

Ka një kandidaturë shumë të fortë, plus që vetë z.Idrizi duke qenë kandidat i koalicionit të djathtë, e motivon komunitetin çam në këtë zonë. Në qarkun e Vlorës besoj gjithashtu se ka për ta marrë, pasi deputeti aktual i PDIU në qarkun e Vlorës është një figurë që e ka strukturuar mirë partinë, nga Vlora deri në Konispol. Në qarkun e Elbasanit ka gjithashtu komunitet çam, por edhe një strukturim dhe një kandidat të fortë i cili ka rreth dy vjet që punon për një moment të tillë.
 
Pra sipas jush sa mandate?
Rreth pesë mandate, bashkë me atë të z. Idrizi, janë gjëja më e mundshme. Nuk fus Durrësin këtu. Mendoj që mund të ketë edhe ndonjë surprizë në ndonjë qark tjetër. Por kjo lidhet me diçka; me faktin e ikjes së LSI nga koalicioni i djathtë, pra votat e aleatëve i mbeten partisë së dytë në koalicion...
 
Por zoti Berisha, më të privilegjuar ka republikanët me sa kemi kuptuar?
Republikanët...Varet nga kandidaturat. Në qarkun e Durrësit, kandidatura e PR është përtej të majtës e të djathtës, është kandidaturë e fortë dhe është e sigurtë që do të dalë. Varet nga kandidaturat në qarqe. Unë mund të them që në qarkun e Korçës me pak sforco nga z.Idrizi, ka mundësi ta marrë zoti Idrizi.
 
Zoti Çipa, PDIU pretendon shtatë mandate, LSI 15 mandate, FRD pretendon po ashtu 5-6 mandate...Partitë e mëdha do marrin ndonjë mandat?
 Mua më duket se ka një lloj përmbajtje, se ne kemi pasur fushata ku një parti ka pretenduar 35 deputetë, dhe ka marrë katër. Ndërsa momentalisht sërish ka pretendime hiperbolike, por gjithsesi të vetëpërmbajtura.
 
Z. Kulla?
Përsa i përket LSI, unë nuk besoj se do të marrë aq mandate sa thatë ju, por besoj se ajo do të rrisë numrin e mandatave në krahasim me zgjedhjet e shkuara, duke ruajtur po të njëjtin numër votash, madje duke ngrënë majtas. Eshtë PS, e cila edhe në sondazhet që janë dukur se janë sponsorizuar nga koalicioni i majtë, PS dhe PD janë në të njëtat numra dhe rritet LSI. Për shkak të sistetmit, psh në qarkun e Durrësit, z.Koka mund të marrë edhe më pak vota se çka marrë dhe sërish të dalë deputet.
 
Po pse flasim vetëm për këtë koalicion. Edhe z.Idrizi, sa përqind të administratës keni zoti Idrizi?
Kemi 0.3 përqind të administratës.
 
Po këto partitë e tjera çame z.Idrizi?
Ku janë, mo ku janë?
 
Janë në koalicione...
Janë me Partinë Socialiste dhe me PBDNJ, ta shohim sa vota do marrin.
 
Po zoti Kulla?
Aleanca popullore është një vlerë e shtuar e politikës shqiptare, brenda komunitetit çam le të luhet me pluralizëm se nuk ka asgjë të keqe. Edhe për Aleancën Popullore, edhe për lëvizjen çame, vlen ajo që vlen edhe për PDIU-në, kjo do provohet në zgjedhje. Por nëse zoti Meta dhe zoti Idrizi do të merrnin ato vota që kanë marrë në 2009, dhe 2011, do të marrin një numër të madh mandatesh. Kjo jo vetëm për meritën e tyre, por edhe për shkak të kodit që kanë bërë dy partitë  e mëdha. Ndërsa z.Topi i duhet në qarkun e Tiranës të marrë shumë vota se sa nëse do të ishte në koalicionin e djathtë.
 
Po z.Çipa?
Unë e lexoj si një mundësi tjetër. Në periudhën pas 23 qershorit marrëdhëniet politike forcat të cilat kanë të njëjtët përkatësi, por janë në koalicione të ndryshme, mund të kenë, pse jo premisa për lëvizje të ndryshme politike...
 
Unë dua ta pyes z.Idrizin, nëse mandatet e tij do të ishin për të konsoliduar njërën palë, do t’ia jepte këto mandate koalicionit të majtë?
E para duhet të kuptojmë faktin se si parti politike reale e votuar dhe me program shumë të qartë ne nuk mund të na mohoet e drejta që të studiojmë kodin aktual, për të cilin ne nuk kemi qenë dakort. Pra nuk mund të na fajësojnë pse gjejmë hap[ësira në këtë kod.

Ne e kishim bërë shumë të qartë, madje ndryshe nga partitë e tjera, se kush janë pistat me të cilat ne do të vendosnim mbi koalicionet. E para ishte rezoluta, e dyta kishte të bënte me faktin me kë koalicion maksimalizojmë votat, jo thjeshtë për vete, por për kauzën tonë. Ne kemi të drejtë të bëjmë maksimumin që të marrim sa më shumë mandate dhe kemi bërë zgjidhjen e duhur. Ne kemi hyrë në këtë koalicion me bindjen se ky koalicion do t’i fitojë zgjedhjet...
 
Pyetja ime ishte më konkrete. Nëse mandatet tuaja do t’i duheshin për konsolidim koalicionit të majtë, do t’i jepnit këto mandate?
Unë jam i bindur se mandatet e PDIU të jenë mandate shumë të rëndësishme. Dhe kjo në rradhë të parë do na japë mundësinë që ne të imponohemi për ato gjëra që ne i kemi thelbësore dhe që për mua prevalojnë mbi të majtën e mbi të djathtën. Ne këtë e kemi bërë vazhdimisht të qartë. Po e përsëris ne kemi hyrë në këtë koalicion për ti fituar këto zgjedhje. ..

Pra nuk e mohoni një koalicioon pas zgjedhor me Ramën dhe Metën?
Se si do dalin zgjedhjet nesër, apo se si do jetë verdikti , apo se si do të kompozohet...ne nuk mund ta parashikojmë dot sot se çfarë do të ndodhë nesër se çfarë kompozimi mund të ketë. Për mendimin tim personal një qeveri koabitacioni do të ishte shumë më e mirë, sepse për 23 vjet përplasja e madhe mes dy forcave ka sjellë vetëm ndarje. Madje madje edhe nëse do ndjekim sadopak mitingjet, kur një lider etiketon tjetrin turma egzaltohet. Kur thotë që do të ulim...
 
Kjo ka të bëjë me kulturën dhe etikën që kemi në Shqipëri...
Po kush e nxitë këtë. Pikërisht këta të mëdhenjtë, këta që kanë mundësi më të madhe për të transmetuar. Ta mbaroj idenë që nisa. Pra kur flasin për ulje taksash, asnjë reagim nga turma. Pse.
 
Ndoshta nuk e kuptojnë?
Jo e kuptojnë shumë mirë. Por të dy partitë  e mëdha, i ndajnë shqiptarët në të majtë e të djathtë, apo veri-jug e lindje perëndim, dhe jemi klasa politike më e zonja për të prodhuar kriza, ndërkohë nuk kemi krijuar asgjë për të zgjidhur krizat. Jemi para zgjedhjeve dhe diskurtojmë akoma KQZ. Edhe për integrimin. Ne na duhet një detante e madhe forcash politike...Ne kemi vënë edhe siglën “Ne e duam Shqipërinë të bashkuar”.

Ne na duhet uniteti. Në të gjitha takimet ne bëjmë thirrje që shqiptarët të mos kontaminohen nga kjo fushatë e cila po kalon etikën, madje më shumë se sa kaq. Më e mira do të ishte që ne, partitë politike shqiptare të hynim në zgjedhje me një program të përbashkët përsa i përket hapave të integrimit. Gjithë flasin për integrimin dhe të paktën ky do të ishte momenti që ne duhet të përbashkoheshim. Të hysh në BE janë disa hapa, disa standarte që duhen plotësuar.
 
Cili është pozicioni juaj lidhur me KQZ?
Unë e kam thënë gjithmonë, dy partitë e mëdha kur kanë bërë kodin, kanë rënë dakort, që të mos bien dakort. Duket si lojë fjalësh, por është pikërisht kështu. Kjo e tanishmja është një provë për këtë që po them.  KQZ formohet politkisht, por ditën tjetër çuditërisht veshin nga një koastum apolitik. Duhet të jetë i ballancuar? Për mua duhet të plotësohen , nëse flasim për shqipëri, për atdhedashuri, për integrim, duhet të plotësohet KQZ me shtatë anëtarë permanentë që të çertifikojnë zgjedhjet. Unë po ju them vetëm një moment dhe ua kamë thënë edhe ekspertëve të OSBE-ODHIR.

Ka qenë e thjeshtë po të ketë vullnet që të kemi transparencë tek votat. Vetëm një element: I gjithë diskutimi në zgjedhjet e kaluara ishte kush i hapte kutitë, pra për të parë ku kishte parregusllsi dhe kush e jepte indicien. Pra PD thoshte që duhet një provë, pastaj të hapeshin kutitë. Dhe u vendos që dy anëtarë të KQZ mund të hapnin. Kurse unë them se është shumë më e thjeshtë; ne kemi vënë ca monitorë që rregjistyrojnë të gjitha votat dhe vëzhguesit tanë rrinë para tyre, mbajnë shënim dhe thonë 20 vota, apo 100 vota për PDIU-në. Mbrapa kur bëhet procesverbali dalin zero vota. Atëherë shikoni sa e thjeshtë është; KQZ do një indicie, një provë për të parë parregullsitë...

Eshtë e jmundshme që: të merren rekordet që rregjistrohen dhe nëse ka një diferencë mes votave të rregjistruara në monitor dhe votave në procesverbal, është shumë e thjeshtë që të ishte indicie, një provë për hapjen e kutive. Pra skemi nevojë të kemi dy anëtarë KQZ-je, por merr votat e tua në rregjistrim, shih sa ke në kuti dhe ...Këto filma administrohen nga KQZ...

Lajmi u përditësua

Redaksia Online
(es/b.m/shqiptarja.com)

TAG:
• kqz
• OSBE