POP 5

Lajmet më të lexuara të 5 minutave të fundit

Ekonomi

“Belle Air”, shansi i
fundit për të operua

Autoritet shtetërore vazhdojnë ende t’i japin mundësi kompanisë ajrore “Belle Air” për të qenë përsëri pjesë e tregut të aviacionit civil, pasi kompania të ketë përmbushur të gjitha detyrimet finaciare.
“Belle Air”, shansi i<br />fundit për të operua
TIRANE- Autoritet shtetërore vazhdojnë ende t’i japin mundësi kompanisë ajrore “Belle Air” për të qenë përsëri pjesë e tregut të aviacionit civil, pasi kompania të ketë përmbushur të gjitha detyrimet finaciare.  Drejtori i Autoritetit të Aviacioni Civil Shqiptar (AAC), Petrit Sulaj, gjatë një interviste të dhënë dje për Agjencinë Telegrafike Shqiptare (ATSH), tha se kompanisë Belle Air i është lënë e hapur mundësia për t'u rikthyer në tregun shqiptar, por vetëm pas plotësmit të të gjitha detyrimeve që ajo ka ndaj qytetarëve, punonjësve, shtetit dhe të tretëve. Drejtori i ACC-së, tha se se liçensa e “Belle Air” do të qendrojë e pezulluar deri në plotësimin e kushteve të lartpërmendura. Gjithashtu ai bëri të ditur se në ndihmë të qytetarëve është vënë në dispozicion edhe një avokat për të ndjekur çështjet në Gjykatë.
 
Pezullimet
Vendimin e kompanisë “Belle Air” për të ndërprerë fluturimet, drejtori i AAC-së e ka cilësuar si të pakuptimtë. Këtë ai e bazon tek fakti se kompania “Belle Air”, sipas shkresave të protokolluara pranë AAC-së, deri në fund të muajit shtator të vitit 2013, fitimi i kompanisë për periudhën 9-mujore kapte shifrën 3.5 milionë euro. Për më tepër, sipas sqarimit të drejtorit Sulaj, protokollimi i kësaj shkrese zyrtare ishte kryer në datën 20 nëntor ose 5 ditë përpara se kompania “Belle Air” të dërgonte një njoftim zyrtar, sipas të cilit ajo kishte pezulluar fluturimet. Arsyet që dha kompania “Belle Air” për të pezulluar këto fluturime ishin një ristrukturim i kompanisë dhe bllokimi prej 18 ditësh i të gjitha llogarive bankare të saj.
 
Rimbursimi
Pezullimi i papritur i fluturimeve të kompanisë “Belle Air” la me qindra udhëtarë në mëshirë të fatit, të cilët prisnin të udhëtonin në destinacionet e tyre. Ndërkaq, në njoftimin e saj, kompania “Belle Air” deklaroi se duke filluar nga data 25 nëntor, pasagjerët mund të siguronin biletat e tyre kundrejt një tarife mbrojtëse dhe të udhëtonin me kompaninë “Blue Panorama”. Gjithashtu, pasagjerët që kishin prerë bileta nëpermjet kartës së kreditit mund të kërkonin rimbursimin e biletave duke kontaktuar me bankat që kishin lëshuar kartat e kreditit dhe duke paraqitur referencat e biletave. Për sa i përket rimbursimit, drejtori i ACC-së, Petrit Sulaj, tha se asnjë pasagjer, që ka kontaktuar për kthimin e parave, nuk ka mundur të marrë paratë, pasi nuk është gjetur asnjë lek në llogarinë e kompanisë. Drejtori Sulaj informoi se çështja tashmë është në prokurori dhe se sot do të zhvillohet seanca gjyqësore.
 
Tregu
Dalja jashtë loje e kompanisë “Belle Air nuk ka krijuar vakuum në tregun e aviacionit civil, pasi kompani të ndryshme ajrore kanë paraqitur këkesa zyrtare pranë ACC-së për t’iu përgjigjur këkesave të lëvizjeve. Drejtori Sulaj u shpreh se AAC-ja është e hapur ndaj kompanive të reja ajrore, por me kusht që ato të plotësojnë rregullat dhe normativat e duhura dhe do të kenë mundësi të nisin operimet në vend. Drejtori i AAC-së theksoi se kompanitë ajrore që duan të jenë pjesë e tregut shqiptar duhet të plotësojnë ligjet në fuqi të shtetit shqiptar, si edhe direktivat e EUROCONTROL-it, në mënyrë që situata të tila si ajo e “Belle Air” të mos përsëriten më. Ndërkaq, AAC-ja  u ka dhënë leje të përkohshme për fluturime  kompanive “Blue Panorama” (deri më datë 23 dhjetor) dhe “Small Planet” (18 dhjetor 2013).

Shkrimi u publikua sot (12.12.2013) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04