“Fjalët e Ritës” është spektakli teatror, i cili erdhi në skenë si homazh ndaj shkencëtares së madhe hebreje Rita Levi Montalcini, e larguar nga jeta vetëm pak kohë më parë.
Figura e kësaj gruaje është mjaft e njohur për shkak të kontributit të saj si shkencëtare në një botë që i lejonte pak hapësirë grave. E lindur në Torino në vitin 1909 ajo do të kujtohet gjithmonë në datën 8 mars si një grua e jashtëzakonshme.
Ky spektakël u realizua dhe u interpretua nga aktorja italiane Valeria Patera, fituese e çmimit ndërkombëtar të “Teatrit të Figurës” dhe finaliste për çmimin e dramaturgjisë “Teatri Total”.
Një tavolinë, një karrige, një mikroskop dhe gjashtë videoklipe të Rita Levi Montalcini-t si dhe gjithashtu çmimi “Nobel” në mjekësi, janë disa nga detajet që kanë përbërë këtë shfaqje si dhe kanë risjellë kujtime, magji dhe pasione të shkencëtares.
Spektakli u shfaq në gjuhën italiane, por u shoqërua me nëntituj përshkrues në shqip.
Shfaqja “Fjalët e Ritës” u dha për publikun shqiptar në kujdesin e Institutit Italian të Kulturës në Tiranë, në bashkëpunim me Teatrin Kombëtar të Komedisë dhe Timos - Teatro Eventi.
Redaksia online
(ar.sh/shqiptarja.com)
![](https://www.shqiptarja.com/template/img/sh_logo1.png)