Udhëtimet në stinën e vjeshtës, lenë impresione të mëdha, sidomos kur ato kryhen në objekte brilante të arkeologjisë dhe trashëgimisë sonë kulturore. Me ftesë të Ambasadës Gjermane në Tiranë, A1 Report dhe Shqiptarja.com morën pjesë në një udhëtim në jug të Shqipërisë. Fillimi i udhëtimit - qyteti antik i Apolonisë, themeluar në shekullin e 7 para Krishtit nga helenët. Prej vitit 2006, sipas një projekti hulumtimi gjermano - shqiptar, kanë nisur punimet për zbulimin e teatrit antik të Apolonisë, punime që do të zgjasin deri në vitin 2016. Sipas specialistit të arkeologjisë Arian Dimo, Apolonia, bashkë me Dyrrahun (Durrësin e sotëm) është qyteti më i madh dhe më i vjetër në Shqipëri.