Radio Televizioni Shqiptar ka publikuar sot videoklipin zyrtar të këngës që do të përfaqësojë Shqipërinë në Eurovizion.

Videoklipi i këngës së Elhaida Danit ‘I’m alive’ është realizuar nga Provideo dhe përmban një mesazh social.

Elhaida Dani ka falenderuar të gjithë ata që e kanë mbështetur në realizimin e kësaj kënge dhe në dhënien e mundësisë për të përfaqësuar vendin në festivalin më të rëndësishëm të muzikës.

Sipas këngëtares kjo është një ndër këngët më të bukura që ajo vetë ka kënduar deri më tani gjatë karrierës së saj ku ka triumfuar disa herë.

Redaksia online
(f.m/shqiptarja.com)