TIRANE- Rrëfimi i mikes së familjes: Më ka qëlluar të shkoja dikur tek Kadaretë dhe gjeja shtëpinë e tyre të përmbysur, kërkonin çimkat që mund të kishte lënë ky njeri.

Disa të paguar nga dikush dikur, disa të paguar nga dikush tani dhe disa të tjerë vullnetarë për inerci po sulen kundër Kadaresë. Po i lemë mënjanë titujt, fjalimet, çmimet, akademitë, nderimet dhe falënderimet anë e kënd botës, por më duket e turpshme letra e hapur që shkruan një shok i dikurshëm i Ismail Kadaresë, që nga titulli më kujtoi letrat e hapura të asaj kohe të vajtueshme, të ankthshme. Gazeta mbi tavolinën e një lokali ku pija kafenë me një miken time m’u duk si e një kohe të largët për një moment.