Trajtimi dhe menaxhimi i mbetjeve vijon të jetë një nga çështjet me të diskutuara për problemet e mjedisit. Duke kërkuar zgjidhje për këtë temë, Klik Ekspo Group” organizon në Tiranë “Ekspo Kongresin e parë Ndërkombëtar për menaxhimin dhe trajtimin e integruar të mbetjeve, në gjendje të lëngët, të ngurtë dhe të gaztë”. Ky aktivitet i rëndësishëm, që  zhvillohet nga datat 23 deri më 26 nëntor”, bën bashkë akademikë, profesorë dhe specialistë të mjedisit.

“Ne shfrytëzuam marrëdhënien me Klikun, sepse pa atë nuk mund të bëhet dot një kongres mbarëkombëtar. Na jepet mundëasia që të bashkojmë këtë frymë bashkëpunimi ekonomik, me frymë shkencore, me frymë organizimi  që t’i japim qeverisjes të çfarëdo  lloji qoftë ajo, sot apo nesër apo kushdo që vjen, një lloj orientimi se si zgjidhen  në mënyrë inxhinierike mbetjet e vendit”-shprehet Guri.

Ambientalisti dhe studiuesi Sazan Guri shprehet se një nga kontributet afatgjata të Kongresit do të jetë hartimi i “Kartës së Kongresit”.

“Karta është mënyrë, zgjidhje, filozofi është mendësi se si zgjidhet menaxhimi i mbetjeve drejt zeros të mbetjeve të vendit. Një kartë që i thotë qeverisjeve të mëdha dhe të vogla se si mund të shkojë në një drejtim për të zgjidhur mbetjet qofshin organike, spitalore, farmaceutike, urbane, të rrezikshme, historike, industriale”-thotë Guri.

Edicioni i 24-t i Panairit Ndërkombëtar të Tiranës, që do të mbahet në datat 23 deri në 26 Nëntor 2017 në Pallatin e Kongreseve, ka mbi 350 ekspozues të regjistruar dhe mbi 40.000 vizitorë të parashikuar përgjate ditëve të Panairit.

Redaksia Online
N.M/Shqiptarja.com