POP 5

Lajmet më të lexuara të 5 minutave të fundit

Politikë

“Kodi Zgjedhor” në fije të perit
sot shansi i fundit PD- PS

Anëtari i shtatë i KQZ, reflektimi mbi kritikat e ODIHR, hapja e kutive të materialeve zgjedhore, dhe përgatitja e raportit përfundimtar do të jenë pikat ku do të mbështet sot komisioni i Reformës Zgjedhore. Mbledhja sot në orën 18:00.
“Kodi Zgjedhor” në fije të perit<br />sot shansi i fundit PD- PS
TIRANE- Nuk dihet ende çfarë fati do të ketë Reforma Zgjedhore. Kur kanë mbetur edhe pak orë nga takimi i radhës dhe i fundit mes socialistëve edhe demo¬kratëve, ngelet "sekret" nëse do të dalin me një raport përfundimtar për Kodin Zgjedhor, në ditën limit të vendosur nga Kuvendi. Me sa duket dy krahët e politikës shqiptare janë ende larg një konsesusi për cështjet më të mprehta të reformës siç janë ato të riformatimit të KQZ dhe ankimimeve. Së fundmi palët duhet të shprehen edhe lidhur me qëndrimin më të fundit të ODIHR, i cili u shpreh kundër votimit elektronik për zgjedhjet e 2013. Mbledhja e pasdites së djeshme e Komisionit Parlamentar të Reformës Zgjedhore bëri vetëm disa "përparime shumë të lehta" kur forcat kryesore politike ranë dakort për cështje të tilla si respektimi i barazisë gjinore (kuota e përfaqësimit 30% për femrat kandidate) dhe mospërdorimi i fëmijëve dhe admistratës në fushatat zgjedhore. "Komisioni miratoi disa nga kapituj që i kemi kaluar edhe më përpara, në frymën edhe të disa komenteve të bërë nga OSBE/ODIHR, dhe faktikisht janë kapituj që kanë të bënë me regjistrimin e subjekteve politike, me fushatën, median dhe financimin e partive politike", tha për mediat përfaqësuesi i PS-së, Bledar Çuçi. Çuçi tha se është miratuar edhe pika që parashtron kuotat gjinore, një pikë që sipas tij, është zgjidhur në frymën e rekomandimeve të bëra nga të gjitha palët e interesuara.

Ndërkohë, sipas tij, në mbledhjen e sotme do të diskutohet edhe pika, për të cilën palët kanë rënë dakord më parë, përdorimi i teknologjisë në procesin zgjedhor. Çuçi tha se do të shqyrtohet edhe njëherë nesër kjo, ndërsa shtoi se mund të gjendet një zgjidhje duke patur parasysh edhe opinionin e dhënë nga OSBE/ODIHR. "Kemi konsensus për teknologjinë, madje palët kanë miratuar në komision përdorimin e paisjeve në qendrat e votimit dhe numërimin elektronik. Ne do i shikojmë edhe njëherë në frymën e dhënë edhe nga OSBE/ODIHR, pra nesër (sot) do diskutohet për administratën zgjedhore dhe ankimimin e palëve", bëri me dije Çuçi.
KQZ
PS-ja mbetet e vendosur në propozimin e saj që të ndryshohet vetëm mënyra se nga propozohet anëtari i shtatë i Komisionit Qendror të Zgjedhjeve, duke lënë të pandryshuar formulën aktuale të propozimit nga partitë të 6 anëtarëve të tjerë që i përkasin 3 mazhorances dhe 3 opozitës. I shtati, ai që përcakton se kush do të ketë shumicën në KQZ, sipas Partisë Socialiste, nuk duhet të propozohet më nga partitë, por nga 4 organizma: Avokati i Popullit, Gjykata e Lartë, Këshilli i Lartë i Drejtësisë dhe Dhoma e Avokatëve. Partia Demokratike nuk ka një propozim të vetin sepse deri tani ia ka lënë socialistëve sjelljen e formulimeve për ndryshimin e Kodit. Mbledhja e sotme e komisionit pritet që të japë një zgjidhje edhe mosmarrëveshjeve lidhur me hapjen e kutive të materialeve zgjedhore. Partia Demokratike kërkon që kutitë e votimit të hapen në të gjitha rastet kur ka ankim dhe provat gjenden në kuti. Ndërsa PS-ja kërkon që përveç këtij rasti, kutitë e votimit të hapen edhe në rastet kur ka mospërputhje të numrit të fletëve të votimit të gjetura në kuti me numrin e votuesve që kanë marrë pjesë në zgjedhje, apo edhe në rastin kur zgjedhjet janë zhvilluar pa përdorur pajisjen elektronike të kontrollit të kartave të identitetit
(sg/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

‘Mos lejojmë askënd të na e ul flamurin’, Rama: Ta rreshtojnë në oborrin e shtëpisë së familjes së bashkuar europiane

‘Mos lejojmë askënd të na e ul flamurin’, Rama: Ta rreshtojnë në oborrin e shtëpisë së familjes së bashkuar europiane

24 Nëntor, 14:47