“Musica Nuda”mahnitin
publikun shqiptar në TKOB

Në një atmosferë të mbushur me muzikë, humor dhe lirshmëri u zhvillua koncerti i grupit italian “Musica Nuda”, në Teatrin e Operës dhe Baletit. 



Grupi i veçantë i cili vetëm me një kontrabas dhe zërin e këngëtares Petra arrin të “zhveshë” muzikën në mënyrë të atillë që të përçojë për dëgjuesin thelbin e saj.



Ferruccio dhe Petra kanë performuar për disa orë këngë mjaft të njohura të muzikës italiane por edhe krijime të tyre.



Lirshmëria dhe aftësia për të bërë për vete sallën e mbushur plot  ishte ajo çka spikati gjatë gjithë performancës së tyre.



Ardhja  në Shqipëri e grupit të njohur italian “Musica Nuda”ka qenë në kujdesin e veçantë të Institutit Italian të Kulturës, për të nisur kështu kremtimet për festën e Republikës Italiane.

Redaksia Online
(xh.k/shqiptarja.com)