“Rapunzel” në jetën reale, kjo është
vajza me flokë mbi 2 metra të gjata

Një fanse e përrallës së Rapunzel është inspiruar duke i rritur flokët e saj, që arrijnë një gjatësi prej 2 metra e 286 centimetra.
 
27-vjeçarja Alia Nasyrova është nga Rusia, por tashmë ajo jeton në Letonia. Brunia thotë se flokët e saj peshojnë rreth 2 kilogramë, i marrin asaj një orë kohë për t’u krehur dhe një ditë për t’u tharë.
 
Bashkëshorti i Alias, Ivan Balaban është mësuar me flokët e stërgjatë të gruas së tij, saqë i konsideron ato një “pjesëtar të familjes”, si dhe kujdeset që t’i lërë mjaftueshëm hapësirë të shoqes në krevat.
 
27-vjeçarja thotë se ka 20 vjet që nuk i pret flokët, ndërsa rrëfen se merr një vëmendje të madhe të njerëzve që mbesin gojëhapur kur shohin gjatësinë e flokëve të saj.
 
Edhe i shoqi është krenar për gjatësinë e flokëve të Alias dhe për faktin se ajo refuzon t’i presë ato.
 
“Sado që mundohem, nuk ka shanse që të mos i dëmtoj flokët e gruas sime. Gjithsesi, unë tregoj respekt për to dhe shpesh i kërkoj asaj që të shtyhet pak sepse më pengojnë dhe nuk dua t’ia dëmtoj kur flemë. Jo vetëm kaq, por ne madje i planifikojmë pushimet në varësi të nevojave të flokëve të Alias", -thotë i shoqi i Alias.
 
Vetë Alia shprehet: "Fillova t’i rris flokët pasi u frymëzova nga Rapunzel. Dhe në fakt më kanë pëlqyer gjithnjë flokët e gjatë. Me kalimin e kohës fillova të kujdesem më shumë për ta. Meqë flokët e mi janë më të gjatë se gjatësia ime, ndonjëherë ngec tek to. Unë nuk dal kurrë me flokët e lëshuara. Marr shpesh mesazhe negative nga njerëz që nuk e pëlqejnë gjatësinë e flokëve të mi, apo vetë flokët që kam, por unë nuk reagoj."

[gallery]21500[/gallery]

Redaksia Online
S.N/Shqiptarja.com