POP 5

Lajmet më të lexuara të 5 minutave të fundit

Kronikë

“Ringjallen” lejet e ndërtimit
u dhanë 210 në vitin 2013

Është zhbllokuar situata e ngërçit të ndërtimeve në Tiranë, ku pas një periudhe mëse dyvjeçare, kur tregu i ndërtimit u bllokua për shkak të mungesës së lejeve, tremujori i fundit i 2013-s ka shënuar një kthesë.
TIRANE- Është zhbllokuar situata e ngërçit të ndërtimeve në Tiranë, ku pas një periudhe mëse dyvjeçare, kur tregu i ndërtimit u bllokua për shkak të mungesës së lejeve, tremujori i fundit i 2013-s ka shënuar një kthesë. Numri i lejeve të ndërtimit të dhëna vetëm në kryeqytet ishte 79, kur në gjithë periudhën janar-shtator 2013 në Tiranë ishin dhënë gjithsej vetëm 8 leje. Të dhënat bëhen të ditura nga INSTAT në buletinin statistikor të tremujorit të katërt.

Sipas Insitutit të Statistikave, në tetor-dhjetor 2013 janë miratuar gjithsej 210 leje ndërtimi, për një sipërfaqe në total 561.712 metra katrorë. Lejet e miratura për ndërtesa banimi zënë 46,2% të numrit gjithsej të lejeve dhe ato për ndërtesat e destinuara jo për banim 53,8%. Përsa i përket vlerës së përafërt gjithsej të objekteve, për të cilët u dha leja e ndërtimit, ajo është rritur 79,7% krahasuar me të njëjtën periudhë të vitit kaluar dhe 145,9% kundrejt tremujorit paraardhës.

Vlerën më të lartë të lejeve të ndërtimit për ndërtesa të miratuara sipas klientëve, e zënë klientët privatë me 99,8%, ndërsa lejet e miratuara për punime inxhinierike i kanë marrë klientët e shtetit në 97,5 % të kësaj vlere.

Lejet e ndërtimit të miratuara për ndërtesa të reja janë përqëndruar në qarqet e Tiranës me 37,6 %, Durrësit me 36,7 % dhe Shkodrës me 10,0 %.
Sektori i ndërtimit shfaqi disa shenja përmirësimi në tremujorin e fundit të vitit kaluar. Të dhënat e vlerës së shtuar bruto treguan një rritje të sektorit me 3.7%.
Dhënia e lejeve ishte bllokuar si pasojë e konflikteve të partive kryesore politike, që ishin transferuar edhe në nivel lokal.

Shkrimi u publikua sot (11.04.2014) në gazetën Shqiptarja.com (print)

Redaksia Online
(d.a/shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Plan rus për bomba në avionë? Çfarë duhet të dini rreth akuzave të Polonisë

Plan rus për bomba në avionë? Çfarë duhet të dini rreth akuzave të Polonisë

16 Janar, 13:07