POP 5

Lajmet më të lexuara të 5 minutave të fundit

Ekonomi

“Romano Port” shmang gjobën
e Autoritetit të Konkurrencës

Autoriteti i Konkurrencës ka mbyllur hetimin paraprak ndaj ndërmarrjes koncesionare të Porto Romanos pa konstatuar ndonjë shkelje.
“Romano Port” shmang gjobën<br />e Autoritetit të Konkurrencës
TIRANE - Autoriteti i Konkurrencës ka mbyllur hetimin paraprak ndaj ndërmarrjes koncesionare të Porto Romanos pa konstatuar ndonjë shkelje. Sipas vendimit zyrtar, gjatë periudhës së hetimit paraprak nuk janë gjetur prova të abuzimit me pozitën dominuese nga shoqëria “Romano Port sh.a”. Hetimi kishte nisur në Prill të këtij viti, bazuar në ankesën nga një operator në tregun e importit dhe shitjen me shumicë së gazit të lëngshëm dhe naftës.

Ndërmarrja “Prima Gas Albania” në ankesën e paraqitur shprehet se “Romano Port” nuk kishte zbatuar rregulloren e funksionimit të portit, duke lejuar jashtë radhe shkarkimin e anijeve të tjera, ndërkohë që anija e “Prima Gas Albania” ishte lënë në pritje.

Por, hetimi ka konkluduar se ndaj subjektit në fjalë nuk janë ndjekur praktika diskriminuese dhe problemi lidhet me specifika të veçanta për shkarkimin e pjesshëm të ngarkesave në port. Nga analiza rezultoi se sjellja e ndërmarrjes objekt hetimi nuk ka ndikuar në ndryshimin e strukturës të tregut. Jo më larg se vitin e kaluar, i njëjti subjekt u gjobit nga Autoriteti i Konkurrencës me 6.7 milionë lekë, për abuzim me pozitën dominuese në treg.

Shkrimi u botua sot në gazetën Shqiptarja.com (print) 01.09.2013
 
Redaskia Online
(b.m/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça