“Skënderbeu”, shkaku i
vetëvrasjes së Prenk Jakovës
Opera "Skënderbeu" e Prenk Jakovës që u ngjit për herë të parë në skenën në vitin 1968, është bërë edhe shkaku i vetëvrasjes tragjike të autorit. Një vit pasi e përfundoi dhe realizoi ngjitjen e saj në skenë, Prenk Jakova zgjodhi t'i jepte fund jetës në moshën 52-vjeçare.
Opera "Skënderbeu" e Prenk Jakovës që u ngjit për herë të parë në skenën në vitin 1968, është bërë edhe shkaku i vetëvrasjes tragjike të autorit. Një vit pasi e përfundoi dhe realizoi ngjitjen e saj në skenë, Prenk Jakova zgjodhi t'i jepte fund jetës në moshën 52-vjeçare. Në atë kohë, premiera u prit ftohtë nga të gjithë anëtarët e Byrosë Politike që kishin shkuar për ta parë. Vepra nuk pati pëlqimin e tyre, me gjithë përpjekjet e stafit të operës ku ishte përfshirë edhe trupa e baletit.
Njerëzit që kanë njohur Prenk Jakovën e lidhin historinë e operës “Skënderbeu” me fundin e artistit shkodran.
“Vepra u shfaq, por autori nuk mori sadisfaksionin e duhur. Pastaj zhvillimit i atyre që ndodhën pas premierës ishte vërtet tragjik derisa shkoi në aktin e vetëflijimit.
Një autor dhe një natyrë si Prenk Jakova me atë krenarinë e vet, pak gjakovar, shkodran, njeri me autoritet të padiskutueshëm, nuk mund ta përballonte shkrimin e një vepre që I kishte dedikuar jetën e tij. Mendoj se kjo vepër, edhe tek unë që kam e luajtur që nga notat e para deri në fund është shumë herë më i madh dhe i vlerave që koha ka sjellë në këtë krijimtari", thotë Zhani Ciko. Opera "Skënderbeu" u porosit të realizohej nga udhëheqësit e regjimit komunist për 500- vjetorin e vdekjes së heroit kombëtar Gjergj Kastriot Skënderbeu, në vitin 1968. Krijimi saj i kushtoi ditë dhe netë pa gjumë Prenk Jakovës.
Sipas drejtorit të TKOB-it Cikos, një autor nuk mund të merrte kurrë iniciativën të shkruante një vepër për një jubile të madh pa qenë këtu edhe dëshira e regjimit të atëhershëm. Diskutimet e pafund, këshillat artistike, komisionet, verifikimet dhe kritikat që shoqëruan veprën më të madhe të Prenk Jakovës , bënë që opera të mos rivihej asnjëherë gjatë regjimit komunist, ndërsa vështirësia si shkak i përmasave të saj skenike e ka mbajtur larg spektatorit në 20 vitet e fundit.
U deshën 44 vjet që opera “Skënderbeu” e Prenk Jakovës të shihte sërish dritën e skenës dhe kjo ndodhi vetëm pas demokracisë. Në 100-vjetorin e Pavarësisë, Teatri Kombëtar i Operës dhe Baletit nxjerr nga arkivi këtë vepër, duke përshtatur në kohë jo vetëm veprën, por edhe imazhin realist që shqiptarët duhet të kenë për Heroin Kombëtar.
(dh.h/shqiptarja.com)
Sondazhi i ditës:
Sa përcaktuese do jetë vota e emigrantëve në zgjedhjet e 2025-ës?
-
Shumë
26.4%
-
Pak
40.1%
-
Aspak
33.6%
Vota total: 1612
Votat totale janë unike
Lajme të tjera
-
Njerëzit e tmerruar, pamjet pasi Hezbollahu lëshoi raketën në fushën e futbollit në Golan
28 Korrik, 09:59
-
Rikthehet vala e të nxehtit, javën që vjen sërish temperatura deri në 40 gradë celsius
28 Korrik, 09:49
-
Orban sërish kritikon Perëndimin
28 Korrik, 09:46
-
Nga Tajlanda në Singapor, ja ku shqiptarët mund të udhëtojnë pa viza! Emrat e 99 shteteve
28 Korrik, 09:44
-
Sezoni turistik/ Fluks udhëtarësh në portin e Durrësit, mbërrijnë 4144 pasagjerë, 27 sportele në funksion
28 Korrik, 09:27
-
Harris mesazh të ri për ekonominë, Trump dhe republikanët e kritikojnë për inflacionin
28 Korrik, 09:20
-
Fatos Çoçoli: Pse BE na dhuron 136 milionë euro?
28 Korrik, 09:06
-
Zjarri në malin e Shëngjinit vijon, operacioni për shuarjen e flakëve nisi sërish sot! Vatër edhe në malin e Rencit
28 Korrik, 08:52
-
Mero Baze: Përse Berisha dhe Rama nuk kanë të njëjtin hall me sistemin
28 Korrik, 08:39
-
Dritan Hila: Ta gëzojë Berisha dhe Rama!
28 Korrik, 08:30
-
Lufta/ Ushtria Izraelite godet bazat e Hezbollahut në të gjithë Liban, e akuzon se fshihet pas sulmit me raketë në Golan
28 Korrik, 08:12
-
Spartak Ngjela: Turp historik! Nuk lejojnë votim të lirë, e nuk dinë të bëjnë asgjë tjetër veçse të rrinë në pushtet për privilegje
28 Korrik, 07:55