“Strategji dhe Taktika”, një muaj në
Tiranë ekspozitë e videoartit sllovak 

TIRANE- Galeria Kombëtare e Arteve do të prezantojë nga 31 korriku deri në 30 gusht ekspozitën “Strategji dhe Taktika / Ekspozitë e videoartit sllovak”. Ky prezantim vjen si rezultat i një bashkëpunimi mes Galerisë Kombëtare të Arteve dhe White House Biennial, një platformë artistike ndërkombëtare me bazë në Athinë, Greqi.

Brenda kuadrit konceptual të edicionit actual, Sprova për Demokraci, White House Biennial do të prezantojë një program shumë-shtresësh ndërkombëtar të ndarë në dy ekspozita. Strategji dhe Taktika është ekspozita e parë e cila fokusohet në videoartin bashkëkohor sllovak, kuruar nga Lýdia Pribišová.

Në këtë ekspozitë do të marrin pjesë artistët artistët: Anton Čierny, Pavlína Fichta Čierna, Iva Durkáčová, Oto Hudec, Martin Kochan, Daniela Krajčová, Tamara Moyzes, Ilona Németh, Lucia Nimcová, Tomáš Rafa, Shlomi Yaffe, Anabela Žigová. Tema kryesore e ekspozitës, një përzgjedhje e videoartit bashkëkohor sllovak, është bazuar në kundërvënien mes strategjisë dhe taktikës.Dallimet mes tyre janë propozuar nga filozofi francez Michel de Certeau në librin e tij “Praktika e Jetën së Përditshme” (1984).


Shkrimi u botua në Shqiptarja.com (print) në 29 Korrik 2015

Redaksia Online
(d.a/shqiptarja.com)