POP 5

Lajmet më të lexuara të 5 minutave të fundit

Arkiva

“SwissLeaks”: Liderë botërorë dhe
artistë fshehin milionat në Zvicë

Politikanët, sportistët, mbretërit, aktorët, modelët por edhe gazetarët më të njohur në botë janë bërë pjesë e një hetimi ndërkombëtar ndaj tyre për akuzën e evazionit fiskal i cilësuar si më i madhi në botë, në shuma që arrijnë në mbi 180 miliardë euro dhe që njerëzit e spektaklit kanë depozituar në bankën HBSC në Zvicër me qëllim shmangien e taksave. VIDEO
GJENEVE - Politikanët, sportistët, mbretërit, aktorët, modelët por edhe gazetarët më të njohur në botë janë bërë pjesë e një hetimi ndërkombëtar ndaj tyre për akuzën e evazionit fiskal, në shuma që arrijnë në mbi 180 miliardë euro dhe që njerëzit e spektaklit kanë depozituar në bankën HBSC në Zvicër me qëllim shmangien e taksave.
 
Kjo është bërë publike sot nga prestigjiozja franceze “Le Monde” duke u shprehur se hetimi i quajtur “SwissLeaks” ka në listën e tij rreth 100 mijë emra nga 203 shtete të ndryshme të botës.
 
Evazioni fiskal është zbuluar përmes një investigimi të kryer nga gazetarët e “ICIJ” Konsorciumi Ndërkombëtar i Gazetarëve të Hetimit me seli në Washington.
 
Në listën e hetimit janë emra të njohur botërorë si aktorët amerikanë John Malkovich dhe Christian Slater, këngëtarët Phil Collins e Tina Turner, piloti i F1 Fernando Alonos, dhe ish-kampioni i botës Michael Schumacher, kampioni i MOTO GP Valentino Rossi por edhe topmodelja Elle Macpherson. Në këtë superhetim janë përfshirë 154 gazetarë nga 47 vende dhe emisarë nga 55 media të ndryshme.
 
Por nuk janë vetëm emra të spektaklit dhe shoëbizit por edhe mbretër, si ai i Jordanisë, Abdallah II, mbreti i Marokut Mohammed VI, princat e Arabisë së Bashkuar apo edhe njerëzit e besuar të diktatorëve si Rami Makhlouf, mik i presidentit sirian Bashar Al Assad. Në listë dyshohet të jenë edhe persona të cilët kanë financuar organizata terroriste si ajo e Al Qaeda-s me një grup personash të quajtur “Kupola e Arit”.
 
Sipas “Le Monde” gjatë investigimit të kryer, është zbuluar se përgjatë nëntorit të 2006 dhe marsit të 2007, janë transferuar rreth 180 miliardë euro në Gjenvë, në bankën HBSC.
 
E gjitha mësohet se është zbuluar nga disa dokumente të vjedhura në vitin 2007 nga rreth 100 mijë klientëve në të gjithë botën.Sipas hetimit, bankierët ndihmonin klientët e tyre për të shmangur taksat dhe për të  ofruar marrëveshje që i ndihmonin ata për t’iu shmangur detyrimeve të ligjit.
 
Në fakt këto llogari bankare nuk janë ilegale, por shumë njerëz i përdorin për të shmangur autoritetet tatimore.
 
Nga ana e saj vetë HBSC pohoi se individë të caktuar kishin ndërhyrë në privatësinë e bankës me qëllimin për të mbajtur të padeklaruara llogaritë e tyre. Për të ruajtur imazhin e saj banka shton se tashmë kjo gjë ka ndryshuar plotësisht.
 
Në vend të parë në klasifikimin e vendeve që kanë shfrytëzuar shërbimet e bankës HSBC qëndron Zvicra me 11 235 klientë, e ndjekur nga Franca me 9 187 klientë, Mbretëria e Bashkuar me 8 848 klientë dhe Brazili me 8 667 persona.
 
Ndërkohë në vendin e pestë, është Italia me 7 499 klientë. Pjesë e listës së klientëve italianë është edhe legjenda e Moto GP, Valentino Rossi, me 23 milionë euro të papaguara. 

Në listë:

Tina Turner
John Malkovich
Fernando Alonso
Diego Forlan
Valentino Rossi
Phil Collins
Michael Schumacher
Elle MacPherson 
Christian Slater e Joan Collins
Mbreti i Jordanisë Abdullah II, 
Mbreti i Marokut Mohammed VI

evazioni fiskal
(Në foto: Këngëtari Phil Collins, princi i Arabisë Bandar, stilisti Valentino Garavani, Flavio Briatore)

evazioni fiskal
(Në foto: këngëtarja Tina Turner, mbreti i Marokut Mohammed VI, aktorja Joan Collins, motoristi Valentino Rossi)

evazioni fiskal
(Në foto: modelja Elle MacPherson, piloti i Formula Uno Fernando Alonso, aktori John Malkovich, mbreti i Jordanisë Abdallah II)

Më poshtë linku i plote i faqes që ka investiguar per banken.
http://www.icij.org/project/swiss-leaks/banking-giant-hsbc-sheltered-murky-cash-linked-dictators-and-arms-dealers

Redaksia online
(e.c/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Frrok Çupi: Pse Sali Berisha u vjen rrotull burgjeve?

Frrok Çupi: Pse Sali Berisha u vjen rrotull burgjeve?

11 Janar, 15:42 nga Frrok Çupi