“Tirana Fest” prej 2 ditësh
argëton kryeqytetasit

TIRANE - Prej dy ditësh kryeqyteti ka marrë një tjetër fytyrë. Në sheshin "Nënë Tereza" dhe në një pjesë të Bulevardit kanë nisur aktivitetet në kuadër të "Tirana Fest". Dhjetëra qytetarë kanë preferuar të shëtisin e të argëtojnë fëmijët në lojërat e vendosura në shesh. Sipas tyre të tilla aktivitete duhet të shtohen në çdo fundjavë pasi mbetet e vetmja mënyrë për të gjetur argëtim pas një jave të lodhshme.

Erion Dellia, një ndër organizatorët e festivalit, tregon për A1 Report se ditë të tilla festive janë organizuar nga kisha Ungjillore e Tiranës në kuadër të 100 vjetorit të pavarësisë.

"Tirana Fest" mbyllet mbrëmjen e së dielës me një koncert ku do të jenë të ftuar këngëtarë të njohur.


(Gre.M/Shqiptarja.com)