Vizatimet e fëmijëve të Institutit të Nxënësve që nuk dëgjojnë erdhën përmes një sfilate të hedhur në veshje dhe aksesorë nga Mirela Nurçe, duke krijuar një linjë që mbart një mesazh të fuqishëm.
Pas imazhit të modeles me famë botërore, Emina Cunmulaj, dhjetëra personalitete të artit, politikës dhe përfaqësues të ambasadave, u bënë pjesë e kësaj nisme e para në llojin e saj e ideuar nga Genti Minga.
Emra të njohur të ekranit dhe medias si Ulpiana Neziri, Alba Malltezi, Daniela Kostandini, Klodiana Shala, Stela Kotri, Xhani Shqerra, Hueyda El Saied , Rezarta Skifteri apo Blendi Salaj, i dhanë tjetër kuptim kësaj mbrëmje krah këtyre fëmijëve, veshjet e skalitura nga duart e tyre u shpalosën njëra pas tjetrës.
Synimi
“Veshur me Pafajësi” synon të rrisë ndërgjegjësimin për të drejtat dhe nevojat e fëmijëve e të rinjve që nuk flasin e nuk dëgjojnë, të cilët kanë aftësi të spikatura, që shpesh nuk i njohim ose i anashkalojmë, sepse përqendrohemi vetëm te kufizimet e tyre. Nxënësit shurdhmemecë zhvillojnë një aftësi vizuale të madhe; për ta ngjyrat, format, imazhet luajnë rol të rëndësishëm në përpjekjen për t’u integruar. Objektivi kryesor i këtij projekti është t’i përcjellë një audience më të gjerë mesazhet e tyre; qëllimi i dytë, po aq i rëndësishëm, është t’i kushtojë rëndësi artit të fëmijëve. Deri sot punët e tyre janë shfaqur brenda ambienteve të shkollës dhe menjëherë pas kësaj, janë harruar apo lënë mënjanë, por Living e Nurçe Couture, nëpërmjet këtij projekti, do t’i bëjë këto punime artistike më jetëgjata e të vlefshme.
Shpirti i “Veshur me Pafajësi”
Koleksioni i realizuar nga dizajnerja Mirela Nurçe, e cila goditi me titullin që i vuri koleksionit dhe projektit tregoi e emocionuar se për net me radhë i është përkushtuar këtij koleksioni. “Unë fustanet dhe modelet i kam krijuar në mendjen time që në çastin që pashë vizatimet”, kujton ajo. “Ky koleksion ka plot ngjyra dhe emocion, si bota e brendshme e vetë fëmijëve”.
Por ky projekt nuk do të kishte të njëjtën vlerë pa UNDP Albania, organizata që ofroi një mbështetje konkrete, pa kursim dhe në të gjitha drejtimet. Kjo organizatë është një aleate e vjetër e Institutit Të Nxënësve Që Nuk Dëgjojnë, ku ka bërë dhe po bën investime të herëpashershme, në përpjekje për të përmirësuar kushtet e jetesës së nxënësve në konviktin e shkollës, por edhe ato të klasave dhe mësimdhënies. “Veshur me Pafajësi” u realizua si projekt falë dashamirësisë së drejtores, Azbije Rama e profesorëve të vizatimit në Institutin e Nxënësve Që Nuk Dëgjojnë.
“VISHU ME PAFAJËSI” edhe ti!
Duke blerë një veshje ose aksesor nga ky koleksion, ti kontribuon në dy mënyra për të përmirësuar jetën e fëmijëve të Institutit Të Nxënësve Që Nuk Dëgjojnë: së pari, 20 % e vlerës së shitjes së çdo produkti shkon për Institutin; së dyti, duke përcjellë te këta fëmijë mesazhin se arti i tyre vlen. Porositë për veshjet e aksesorët bëhen në muajt nëntor-dhjetor, kurse shpërndarja e tyre në periudhën janar-shkurt. Kini parasysh se ky është një projekt bamirësie e produktet janë të personalizuara, për këtë arsye kalon shumë kohë që nga porositja deri te realizimi i tyre.
Foto të tjera Redaksia Online
(u.s/shqiptarja.com)
Lajme të tjera
-
Një vit pa Hueyda El Saied, bashkëshorti prek me dedikimin: Na mungon buzëqeshja jote, por do mbetesh gjithmonë në zemrat tona (VIDEO)
23 Nëntor 2022, 09:59 -
E shtruar në spital duke luftuar me kancerin, publikohet letra e fundit e Hueyda El Saied (VIDEO)
29 Tetor 2022, 13:45 -
Me zërin duke iu dridhur, nëna e Hueyda El Saied: Kur të vdes fëmija, të vdes edhe shpirti
26 Qershor 2022, 08:42 -
Artistja Hueyda El Saied nderohet me titullin 'Mjeshtër i Madh', ndërroi jetë nga një sëmundje e rëndë
24 Qershor 2022, 13:46 -
‘Gëzuar Shën Valentinin mes yjeve’, bashkëshorti i Hueyda-s e kujton me mall: Çdo ditë pa ty është zemërthyese, gëzuar dashuri
14 Shkurt 2022, 10:23 -
Djali i Hueyda El Saied bën sot 7 vjeç, Thierry i bën urimin emocionues: Unë dhe mami jemi krenar për ty
11 Janar 2022, 10:33 -
Do të festonin 1 vjetorin e martesës, bashkëshorti përkujton Hueyda El Saied: Sot është një ditë speciale
18 Dhjetor 2021, 14:05 -
“Hueyda ka lënë pas një testament”, mes lotësh Arjan Konomi zbulon çfarë po ndodh me djalin e artistes që u nda nga jeta parakohe
7 Dhjetor 2021, 19:39 -
2 javë pas ndarjes nga jeta të Hueyda El Saied, bashkëshorti bën dedikimin prekës: Faleminderit që më dhe dhuratën më të çmuar, Gabrielin! Jemi krenarë për jetën e saj
7 Dhjetor 2021, 08:28 -
Homazhet në nder të Hueyda El Saied në Tiranë, artistja do të prehet në Luksemburg
23 Nëntor 2021, 20:49 -
Po luftonte për jetën, 'shënimi i fundit' i Hueyda El Saied në rrjetet sociale për të birin ditën që nisi shkollën
23 Nëntor 2021, 18:31 -
Edison Ypi: Më puthi Perla
23 Nëntor 2021, 17:48
