Ledi Shamku: Flamur Noka, je
armik i qytetërimit

TIRANE-Deputeti demokrat Flamur Noka është bërë sërish për të disatën herë personazh në parlament. Pas përjashtimit nga Kuvendi, për arsye se goditi deputetin Erjon Braçe, ai tha se e përjashtuan si armik politik.

Por, deputetja Ledi Shamku mendon ndryshe në fakt. Sipas saj, Flamuri është armik i qytetërimit, jo armik politik.

“Jo, Flamur, ti nuk je “armik politik”, siç e quajte veten.

Fjala politikë ka në rrënjë të saj fjalën “polis” – qytet.

Dhe qytetet kanë qytetërim.

Në këtë kuptim, ti je bash antipolitik.

Të kisha dy metra larg sot, kur zgjodhe (si përherë xhanëm) të përdorje duart në vend të fjalëve; krahun në vend të mendjes.

I kemi ca miliona vjet ne njerëzit që kemi zbritë nga pema dhe kemi mësuar të flasim.

U përjashtove si antipolitik, si armik i qytetërimit, meqënëse don patjetër ta quash veten armik.

Së paku ta dish armiku i kujt je!”, shkruan Shamku.


(d.b/Shqiptarja.com)