TIRANE - Objektet pa leje do të regjistrohen si ndërtime në Hipotekë pa pasur nevojë që fillimisht të zgjidhet e drejta e pronësisë mbi truallin përkatës. Në fund të dhjetorit, Këshilli i Ministrave miratoi një seri ndryshimesh në kuadrin ligjor të legalizimeve, të cilat, sipas Kreut të ALUIZNI-t për zonat e Kamzës, Paskuqanit e Vorës, kanë përfshirë në proces një numër mjaft të madh objektesh që përjashtoheshin. Njëherësh është vendosur që hipotekimi i objekteve në ZRPP të kryhet nga ALUIZN-i duke shmangur kështu vonesat në marrjen e tapive, gjë që mund t’i kushtonte qytetarëve edhe muaj, madje vite zvarritje. Rajta shpjegon procedurat e reja që nga kryerja e matjeve, e deri të marrja e tapive për objektet e legalizuara.
 
Në fund të vitit 2015 Qeveria vendosi disa ndryshime në kuadrin ligjor të legalizimit të ndërtimeve pa leje. Ku konsistojnë këto ndryshime, çfarë të rejash i sjellin procesit?
Prej kohësh ALUIZNI qe shprehur që nevojiteshin patjetër një seri ndryshimesh ligjore që procesi të ecte me ritmet e duhura.