Agjencia e Trajtimit të Pronave (ATP) njoftoi dje se më datë 12 korrik 2019 ka përfunduar procesin e shqyrtimit për 80 kërkesa të paraqitura nga subjektet përfitues, pronarë të pasurive të paluajtshme, pronë private, të prekura nga ndërtimet informale, që përfitojnë deri më tani kompensimin/shpërblimin në vlerë, në masën 70% të shumës së përgjithshme në të holla, të miratuar me Vendimet përkatëse të Këshillit të Ministrave.
Procesi i shqyrtimit të këtyre kërkesave dhe i shpërndarjes së fondit të kompensimit është bazuar në ligjin nr.9482, datë 03.04.2006 "Për legalizimin, urbanizimin dhe integrimin e ndërtimeve pa leje", i ndryshuar, në Vendimin e Këshillit të Ministrave nr.383, datë 19.05.2010 "Për përcaktimin e procedurave të shpërndarjes së fondit të kompensimit në vlerë për pronarët e pasurive të paluajtshme, pronë private, që preken nga ndërtimet informale", i ndryshuar, dhe në vendimet përkatëse të Këshillit të Ministrave, në të cilët është përcaktuar masa e shpërblimit për secilin pronar.
Për 80 kërkesat e mësipërme, për të cilat ka përfunduar procesi i shqyrtimit nga ana e ATP-së, ka rezultuar se dokumentacioni i tyre është në përputhje me kriteret e përcaktuara në Vendimin e Këshillit të Ministrave nr. 383, datë 19.05.2010 "Për përcaktimin e procedurave të shpërndarjes së fondit të kompensimit në vlerë për pronarët e pasurive të paluajtshme, pronë private, që preken nga ndërtimet informale", i ndryshuar.
Kështu, 80 kërkesat e miratuara, përfitojnë këstin e parë, të dytë, të tretë, të katërt dhe të pestë të kompensimit në të holla në një total prej 70% të vlerës totale të miratuar me VKM-të përkatëse.
Fondi financiar që shpërndahet nga ATP për këto kërkesa është në vlerën totale prej 142.082.563,48 lekë, shumë e barabartë me më se 1.16 milionë euro.
Të dhënat në lidhje me pasuritë që kompensohen dhe mbi gjeneralitetet e subjekteve përfitues jepen në listën bashkëlidhur këtij njoftimi.
Agjencia e Trajtimit të Pronave (ATP) njofton subjektet e interesuara se vlerat përkatëse për secilin përfitues do të jenë disponibël në llogaritë e tyre në bankat e nivelit të dytë pas përfundimit të procedurave të transfertave bankare në ditët në vazhdim.
(Kliko këtu për të lexuar listën e plotë e legalizimeve)
Lajme të tjera
-
Bashkia e Tiranës dhe Kadastra marrëveshje bashkëpunimi për legalizimin e ndërtimeve pa leje! Miratohet në Këshillin Bashkiak pa votat e opozitës
9 Tetor, 08:52 -
Rama: Sulm i organizuar për goditjen e turizmit, Vlora e Saranda rritje absurde çmimesh! Bashkitë do përfshihen në procesin e legalizimit, prioritet banesat
17 Korrik, 07:26 -
Leje legalizimi në këmbim të votës, Artan Lame 2 orë në SPAK, vartësit e tij legalizime dhe punësime pas votës për PS
27 Qershor, 13:00 -
Legalizuan pallatin pa leje në Lezhë, Prokuroria dërgon për gjykim 4 zyrtarët e Kadastrës
5 Prill, 11:00
-
132 familje në Shkodër ngrihen në protestë: Duam legalizimin e banesave ose bojkotojmë zgjedhjet! E kemi nisur procesin që nga viti 2005
25 Mars 2023, 12:30 -
Lame bën analizën e vitit 2022 për Kadastrën: Kemi dhënë 250 mijë certifikata pronësie e 20 mijë legalizime
18 Shkurt 2023, 12:22 -
Vijon legalizimi i pallateve te braktisura nga ndërtuesit, Lame në Kombinat: Subjektet me shkelje nuk do të marrin më leje ndërtimi të reja
10 Dhjetor 2022, 11:35 -
Durrës/ Përfundon procesi i legalizimit në zonën e Spitallës, 5410 objekte të legalizuara! Drejt përfundimit edhe zonat e Kënetës
11 Korrik 2022, 17:04 -
Vlorë, nis legalizimi i pallateve të braktisura, Ahmetaj: Investitorë të tillë nuk do marrin më leje ndërtimi pa përfunduar procedurat me ndërtimet e lëna përgjysmë
17 Prill 2022, 21:59 -
Legalizimet, Lame nga Zall- Bastari: Janë 7700 legalizime të patërhequra nga qytetarët
31 Dhjetor 2021, 10:40 -
Legalizim për Kishën e Koplikut dhe Muzeun e Françeskanëve në Shkodër! Lame: Në Shqipëri edhe shtëpitë e Zotit ndërtohen pa leje
25 Dhjetor 2021, 13:35 -
Artan Lame: Malajziani dhe italiani
21 Gusht 2021, 13:06
