POP 5

Lajmet më të lexuara të 5 minutave të fundit

Ekonomi

Legalizimet, tani ndryshojnë
gjobat edhe për ndërtuesit

Ndërtimet e pas vitit 2009, që s'janë në truallin e pronarit, si dhe ato që janë mbi 6 kate, nuk do të legalizohen. Është ky varianti përfundimtar i projektligjit të legalizimeve, që është miratuar dje në Komisionin e Veprimtarisë Prodhuese vetëm me votat e mazhorancës. Përfitojnë pronarët e pallateve në falimentim e sipër.
Legalizimet, tani ndryshojnë<br />gjobat edhe për ndërtuesit
TIRANE - Ndërtimet e pas vitit 2009, të cilat nuk janë në truallin e pronarit, si dhe ato që janë mbi 6 kate, nuk do të legalizohen. Është ky varianti përfundimtar i projektligjit të legalizimeve, që është miratuar dje në Komisionin parlamentar të Veprimtarisë Prodhuese vetëm me votat e mazhorancës, ndërkohë që janë rrëzuar shumica e propozimeve të bëra nga deputetët demokratë. P/ligji pritet të kalojë për miratim në seancën parlamentare të së enjtes.

Gjatë raportimit në Komisionin parlamentar mbi ndryshimet, ministrja e Zhvillimit Urban dhe Turizmit Eglantina Gjermeni theksoi se 270 mijë familjeve, që ka 8 vite që gënjehen dhe sorrollaten, nuk mund t’u kërkohet më që të paguajnë për procesin. Gjermeni, ndër të tjera tha se procedurat e legalizimit të shtëpive firma, vula, noteri, kontrata, doklumenta, çertifikata, matje, e lloj lloj faturash, do të jenë falas dhe në ngarkim të shtetit. “Kemi ndryshuar tërësisht skemën e operimit, me qëllim që të çojmë shërbimin tek qytetari. Njerëzit tanë po zbresin derë më derë për të kryer procedurat dhe ndërkohë kemi ndryshuar skemën e vlerësimit të trojeve, me qëllim që toka të mos ketë të njëjtin çmim si në Tiranë edhe në Kukës apo Gjirokastër e Korçë”, shtoi ministrja.

Sipas Gjermenit, do të rishikohet masa e gjobës për subjektet ndërtues/investitorët që kanë kryer shtesa anësore a në lartësi, me qëllim nxitjen e interesit të tyre, për të ndjekur procedurat e legalizimit. Në ligj parashikohet mundësia e regjistrimit të pasurisë së legalizuar me funksion banimi, edhe në rast të mosshlyerjes së detyrimit plotësisht apo pjesërisht, për parcelën ndërtimore apo ndërtimin, brenda afatit të përcaktuar. Kjo do të realizohet duke vendosur hipotekë ligjore mbi pasurinë, në favor të ALUIZNI-t, deri në momentin e shlyerjes me këste të detyrimeve.

Shteti, sipas ligjit të ri, merr përsipër trajtimin e një numri të madh ndërtimesh me leje, me shtesa informale, për të cilat shoqëritë ndërtuese dhe investitorët nuk janë përfshirë në procedurat e legalizimit apo, edhe nëse janë përfshirë, kanë pësuar ndryshime të gjendjes ligjore sikurse është falimenti, që e kanë bërë të pamundur shlyerjen e detyrimeve financiare të procesit dhe vijimin e mëtejshëm të tij.
Opozita votoi kundër projektligjit me argumentin se nuk janë marrë parasysh amendamentet e saj dhe se projektligji nuk reflekton premtimin për legalizim falas. 

Redaksia Online
(d.a/shqiptarja.com)
 

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Shpërthimi në Zubin-Potok, sigurohet furnizimi i rregullt me energji, ministrja e Ekonomisë: Në kohë rekord vendosëm 6 tuba të përkohshëm

Shpërthimi në Zubin-Potok, sigurohet furnizimi i rregullt me energji, ministrja e Ekonomisë: Në kohë rekord vendosëm 6 tuba të përkohshëm

30 Nëntor, 09:29