POP 5

Lajmet më të lexuara të 5 minutave të fundit

Sport

Legjimiteti i kreut të KOKSH, Zhupa dhe Fidel Ylli përplasen ashpër pas vendimit të CAS

Në raportimin e Komisionit Parlamentar të Edukimit, presidenti i KOKSH Fidel Ylli u përplas ashpër me kryetaren Ina Zhupa e cila vendosi në pikëpytje ligjshmërin e tij pas vendimit të CAS për asamblenë zgjedhore në janar të 2021.

Presidenti i Komitetit Olimpik Kombëtar, Fidel Ylli, u përplas sot ashpër në Komisionin Parlamentar të Edukimit me kryetaren Ina Zhupa, e cila risolli në vëmendje vendimin e CAS për asamblenë e janarit e 2021 ku u shkarkua Viron Bezhani dhe u ndryshua statuti. Gjykata arbitrale e Lozanës, me e larta e sportit, më 17 qershor 2024 e cilësoi të paligjshme asamblenë në fjalë.

“Ylli a mund të na thoni me këtë vendim të CAS a keni dijeni, kush është qëndrimi juaj dhe përse është zhvilluar një asamble tjetër pas kësaj?"-u shpreh Ina Zhupa, kryetare e komisionit.

“Kjo është një asamble e KOKSH-it në janar 2021 dhe unë kam qenë deputet. S’kam qenë në këtë asamble dhe as s’e kam organizuar unë. Unë jam zgjedhur në prill, mbas 4 muajsh,”-tha Fidel Ylli, kreu i KOKSH.

Vendimi i CAS duhet të konkludohet nga gjykata e apelit në Tiranë me qëllim që ti jepet një zgjidhje përfundimtare çështjes. Në pritje të vendimit, njëherazi deputetja e PD-së Ina Zhupa, vijoi të këmbëngulte se Fidel Ylli është i paligjshëm në krye të KOKSH.

“Ju në konceptim tuaj dhe si ish-deputet dhe president mendoni se duke e rrëzuar CAS atë asamble që s’keni qenë ju, por ka ndryshuar më pas rregullat që do zgjidheshit ju, iu ka prekur ligjshmërinë ju? Nëse s’dp zhvillohej ajo asamble a do zgjidheshit më pas ju?,"-tha Ina Zhupa, përplasje në komision.

“Ajo asamble nuk e cënon fare zgjedhjen time, absolutisht zero. Është një ish-president që i kishte mbaruar mandati dhe nuk donte të mblidhte asamblenë,"-u përgjigj Fidel Ylli, kreu i KOKSH.

Me tej komisioni u ndërpre nga kërkesa e zëvendës kryetares Evis Kushi, e cila tha se Zhupa po e kthente çështjen në politike.

“Tani unë, në emër të maxhorancës kërkoj ta nderpresim këtë asamble urgjentisht,”-deklaroi Evis Kushi, zv/kryetare e Komisionit.

Kreu i KOKSH Fidel Ylli u thirr në Komisionin Parlamentar të Edukimit për të raportuar për pjesëmarrjen e Shqipërisë në veprimtaritë sportive ndërkombëtare dhe zhvillimin e sportit në Shqipëri. Ky i fundit kërkoi dyfishim të buxhetit për sportin, me qëllim përmirësimin e rezultateve, ndërsa këmbënguli edhe për rishikimin e Ligjit të Sportit.

Ne.k./E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rama e deputetët e vjetër të PS në lista të hapura, është vendimi i duhur?

Lajme të tjera



×

Lajmi i fundit

Mbi 6 mijë profesionistë të lirë paguan këstet e tatim, Financat: Gati t'ua kthejmë 500 mln lekë, por duhet t'a sqarojë Gjykata Kushtetuese si do veprohet

Mbi 6 mijë profesionistë të lirë paguan këstet e tatim, Financat: Gati t'ua kthejmë 500 mln lekë, por duhet t'a sqarojë Gjykata Kushtetuese si do veprohet

9 Shtator, 18:03