PARIS - 10 gusht 2024, ora 19:53. Kjo është koha fikse që do hyjë në historinë e sportit shqiptar, pasi rusi i natyralizuar si kuqezi, mundësi Chermen Valiev ia ka dalë t'i sjellë Shqipërisë medaljen e parë Olimpike në histori.
25-vjeçari mundi 6-2 rivalin nga Taxhikistani, Viktor Rassadin, në stilin e lirë për peshën deri në 74 kilogramë, duke fituar medaljen e bronztë në finalen e vogël. Paçka se vetëm të bronztën, Valiev ka fituar atë që për dekada të tëra nuk kanë bërë shumë sportistë kuqezinj.
Tanimë vendi ynë e ka një medalje Olimpike, gjë që ndodhi pas pjesëmarrjes së dhjetë në Lojërat Olimpike. Valiev tanimë do shpërblehet nga shteti shqiptar për këtë arritje me 50 milionë lekë (të vjetër), si edhe me gradën Kolonel.
Ecuria e Valiev në Lojërat Olimpike
Në duelin e 1/8, Valiev kaloi të premte 4-3 me përmbysje rivalin azer Turan Bayramov. Në çerekfinale, 25-vjeçari s'ia doli të mbante avantazhin e fituar në raundin e dytë, duke u penalizuar nga dy ndëshkimet me karton të verdhë dhe në fund kundërshtari uzbek Jamalov Razambek fitoi 6-5. Mundësi ynë ishte në garë ditën e shtunë pas 'ripeshkimit' për një medalje bronzi dhe arriti t’ia dalë të triumfojë si fillim me rusin Kadzimahamedau (12-2) dhe më pas me Viktor Rassadin (6-2), duke sjellë medaljen e parë historike për vendin tonë.
Shqipëria ishte një nga 5 vendet që nuk kishte fituar kurrë medalje Olimpike, së bashku me Bosnjen, Maltën, Monacon dhe Andorran. Por, rrugëtimi i skuadrës kuqezi nuk përfundon me kaq, pasi ditën e dielë Islam Dudaev do të përpiqet të fitojë edhe ai një medalje bronzi. Kujtojmë se Zelimkhan Abakarov, mundësi tjetër që përfaqëson Shqipërinë u eliminua.
Mundësi Chermen Valiev i dha Shqipërisë medaljen e parë historike në Lojërat Olimpike, duke siguruar të bronztën në stilin e lirë deri në 74 kilogramë. Në dhjetë pjesëmarrjet e vendit tonë në Olimpiada, kjo është hera e parë që kuqezinjtë marrin një medalje.
Veç anës morale dhe suksesit absolut, në arkat e Valiev do shkojnë edhe 50 milionë lekë të vjetër (ose 50 mijë euro) nga shteti shqiptar, si edhe grada Kolonel.
Chermen Akhsarbekovich Valiev ka lindur më 10 dhjetor 1998 në Osetinë e Veriut në Rusi dhe aktualisht është një mundës i stilit të lirë që garon në 74 kilogramë për Shqipërinë.
Për vendlindjen e tij, Rusinë, Valiev ka fituar një titull kampion bote dhe një Evropian për U23, një kampion kombëtar rus dhe është fitues i shumëfishtë medaljeve të arit në turnetë ndërkombëtare.
Që nga transferimi në Shqipëri në vitin 2024, Valiev u kualifikua për të përfaqësuar Shqipërinë në Lojërat Olimpike Verore 2024 në Paris duke u renditur i treti në Turneun Olimpik Botëror të Kualifikimit.
Në dhjetë turnetë e Lojërave Olimpike që Shqipëria ka marrë pjesë, duhej një rus nga Osetia e Veriut që të natyralizohej si kuqezi, për t'i dhënë Shqipërisë medaljen e parë (e bronztë) në historinë e Olimpiadës.
Komente
Lajme të tjera
-
VIDEO/ Skenë e shëmtuar në Tiranë, boksieri serb del në ring me këngën anti-shqiptare! Koçi e hedh 'K.O.'
23 Dhjetor, 08:44 -
BOKS/ Jurgen Uldedaj mbron titullin IBF, fiton me K.O. kundër rivalit boshnjak! Lezhjani mes më të mirëve të botës
21 Dhjetor, 16:59 -
Konferenca e Solidaritetit Islamik, Veliaj pret Sekretarin e ISSA-s dhe presidentin e KOKSH: Më shumë partneritet për sportin
20 Dhjetor, 14:45 -
Botërori i Peshëngritjes/ Shqipëria del pa medalje, në Bahrein garuan Calja, Qerimaj dhe Ramadani
11 Dhjetor, 12:13 -
Vendi i katërt në botë, Briken Calja 'shpërthen' pas garës: Trishtim, disa persona më hedhin poshtë djersën
10 Dhjetor, 08:56 -
Ishin parashikuar për sot, dështojnë zgjedhjet për kreun e Federatës Shqiptare të Atletikës! Akuza mes palëve
4 Dhjetor, 08:37 -
Basketboll/ Besëlidhja vendos diktatin te meshkujt, fiton ndeshjen e shtatë radhazi
3 Dhjetor, 14:44 -
Botërori i Skive/ Lara Colturi sërish në 'top 10', renditet e teta në Slalomin e SHBA-së! 18-vjeçarja: Po punoj për garën e radhës (VIDEO)
1 Dhjetor, 20:16 -
Shqipëria 'lahet në ar', Ernest Merdanaj dhe Ibrahim Hidri fitojnë në Kampionatin Ballkanik të taekwondosë në Rumani
30 Nëntor, 21:46 -
Botërori i Skive/ Lara Colturi zë vendin e 9-të në SHBA, i shton pikë Shqipërisë (VIDEO)
30 Nëntor, 20:19 -
Volejboll/ Partizani për meshkuj dhe Skënderaj për femra fitues të Kupës Pavarësia 2024
29 Nëntor, 10:32 -
Flamuri shqiptar për herë të parë në podiumin e Botërorit të Skive, Lara Colturi: Më erdhi të qaja, s'e prisja vendin e dytë
28 Nëntor, 10:38
Shume mire kan bere qe ja kane dhene pashaporten shqiptare se eshte turp me ken me Malten Andorren e principaten e Monacos pa medalje. Ne vite 90 kemi humbur talente shume te vlefshëm si Pirro Dhima dhe ajo me hedhje me shtize kampion olimpik me Greqinë. Tashti normal nuk mund te themi qe sporti shqiptar eshte duke lulëzuar se ky sportist rus eshte por shpresojm qe te jet nje hap I pare per te rijetesuar sportin
PërgjigjuShtetet serioze perpara se te te japin shtetesune te bejne edhe nje test gjuhe or teeeejjjjj
PërgjigjuARRITJE DO ISHTE PO TE ISHTE MUNDES SHQIPTAR..,,ME EMER SHQIPTAR,,..JO NJEREZ PA DIN E PA IMAN..
PërgjigjuTurp. Te perfaqesohesh ne lojerat olimpike nga armiqte shekullor te kombit shqiptar.
Përgjigju