Kapshticë/ Lejuan kalimin e karburantit kontrabandë, nën hetim dy policë kufitarë dhe doganieri! Në pranga 52-vjeçari që i korruptonte me para

Dy inspektorë dhe një doganier në pikën kufitare të Kapshticës janë vënë nën hetim nga AMP pasi akuzohen për korrupsion. Ata kishin lejuar që Kosta Andoni të transportonte mallra të ndryshme industriale, karburant, etj.; duke shmangur procedurat dhe detyrimet doganore nga Pika e Kalimit Kufitar Kapshticë.

Për sa më sipër nga AMP Korçë, do të hetohen në gjendje të lirë për veprat penale “Shpërdorim detyre”, “Korupsioni pasiv i personave që ushtrojnë funksione publike” dy inspektorët dhe doganieri të identifikuar si:

- Sandril Hyska, 37 vjeç, inspektor;

- Avdyl Berberi, 55 vjeç, inspektor;

-Vasil Sotiri 42 vjeç, me detyrë Doganier.

Në vijim të veprimeve hetimore rezultoi e provuar se Kosta Andoni, 52 vjeç është favorizuar kundrejt shumave në para, nga punonjës policie në bashkëpunim me punonjës të doganës me detyrë doganier, pranë kësaj pike.

Nga veprimet hetimore të kryera dhe këqyrja e pamjeve filmike është provuar se punonjësit e policisë së PKK Kapshticë në bashkëpunim me punonjësit e Doganës, me veprimet dhe mosveprimet e tyre, në kundërshtim me ligjin dhe kundrejt shpërblimeve në para, kanë favorizuar Kosta Andonin ërm në kalimin e mallrave kontrabandë, pa kryer procedurën e zhdoganimit.

Në cilësinë e provave materiale janë sekuestruar 1 automjet tip "Sharon", sasi vlerash monetare të përfituara në mënyrë të kundraligjshme nga aktiviteti i kontrabandës në ambjentet e punës, sasi e konsiderueshme e mallrave industriale, karburant, si dhe mallra të tjera.

Materialet i kaluan për veprime të mëtejshme Prokurorisë pranë Gjykatës së Shkallës së Parë Korçë.

A.M./Shqiptarja.com

TAG:
• kapshtice
• Korce
• kontrabande
• dogane
• kosta andoni
• sandril hyska
• avdyl berberi
• vasil sotiri