“As i vjetër as i ri, jam thjeshtë lek”. Nën këtë slogan Banka e Shqipërisë ftoi të gjitha institucionet të bashkëpunojnë për të çrrënjosur leximin e gabuar të lekëve që është trashëguar prej më shumë se 50 vitesh.
Por si i përgjigjen kësaj thirrjeje ligjvënësit shqiptar?
Gjatë diskutimeve të dokumentit më të rëndësishëm të financave, atë të buxhetit të shtetit, zëvendëskryeministri Arben Ahmetaj zgjedh të prezantoj ndryshimet pozitive të taksës progresive për pagat, me termin ‘lekë të vjetra’.
“Po e avancojmë logjikën e taksës progresive në favor të shtresave në nevojë, duke e zeruar deri në 400 mijë lekë të vjetra, dhe duke e zbutur nga 400 mijë lekë deri në 500 mijë lekë të vjetra”, tha në seancën plenare të 25 nëntorit zëvendëskryeministri Arben Ahmetaj.
Të njëjtin gabim e përsërit deputetja e PS-së Ermonela Felaj.
“Paga minimale në këtë mandat do të rritet në 400 mijë lekë (40 mijë lekë), dhe zero do të jetë taksa për këtë vlerë prej vitit që vjen”, shprehet deputetja e PS Ermonela Felaj në Kuvendin e 15 nëntorit 2021.
Për të kundërshtuar politikën e rritjes së pagave në shëndetësi, deputetja e PD-së Orjola Pampuri flet me të vjetra zvogëluar impaktin e rritjes 6%.
“Rritja e pagës 6% është tepër e ulët mos e përmendni se është 3 mijë lekë të vjetra”, kështu u shpreh në Komisionin e Shëndetësisë deputetja e PD-së Orjola Pampuri në 9 nëntor 2021.
Rritjen e rimbursimit të barnave për pacientët me COVID-19, LSI e kërkon me lekë të reja.
“Propozimi im ka të bëjë pikërisht me mbështetjen financiare për barnat, materialet shëndetësore dhe shërbimet e tjera për pacientët me COVID, kjo mbështetje shkon në rendin e 2 miliardë lekëve të reja”, kështu u shpreh në seancën plenare të 25 nëntorit 2021 deputeti i LSI Petrit Vasili.
Konfuzioni i gabuar i krijuar nga përdorimi i këtyre emërtimeve për të treguar vlerën e lekut, duket se është më i përdorshëm në bujqësi.
“Prodhimi që kanë nisur më 10 qershor porsa i përket domates dhe kastravecit shitet 300 lekë të vjetra domatja dhe 400 lekë kastraveci”, tha në Kuvend deputeti i PD Dash Sula në 15 nëntor 2021.
“Ulja e TVSH-së 6% para dy vitesh dhe zerimi që po i bëjmë tani do të rrisë edhe çmimin në treg. Kur e ulëm në 6% e rriti nga 1300 lekë në 1500 lekë litrin e qumështin që shitet në treg”, tha deputeti i PD-së Edmond Spaho në Kuvend në 15 nëntor.
Flitet me lekë të reja kur diskutimi bëhet për lehtësirat fiskale tek biznesi, ku pre e terminologjisë jo të saktë bie ministrja për mbrojtjen e Sipërmarrjes Edona Bilali.
“Tashmë lehtësirat fiskale janë ekzistuese 98% të bizneseve në vend që paguajnë zero TVSH, për faturim deri në 10 milionë lekë të reja, dhe zero tatim fitim për faturim deri në 14 milionë lekë të reja”, pohon në Kuvendin e 15 nëntorit 2021, ministrja e Shtetit për Mbrojtjen e Sipërmarrjes Edona Bilali.
Politika duket se ecën në kah të kundërt me fushatën e nisur, herë për të zmadhuar apo zvogëluar vlerën e pagave dhe herë për të rritur apo ulur koston e çmimeve, sipas interesave partiake.
Si pasojë e kakofonisë së krijuar, 54% e shqiptarëve lexojnë në mënyrë të gabuar vlerën e lekut, thotë Banka e Shqipërisë dhe janë të prirur më së shumti drejt termit “lekë të vjetra”.
Komente
Lajme të tjera
-
Afro 20% e shqiptarëve në rrezik varfërie, kanë të ardhura ditore deri në 751 lekë! Gjendja do rëndohej nëse s’do ishin pensionet e skemat sociale
13 Dhjetor, 20:29
-
Më shumë emigrantë dhe familje më në vështirësi në Shqipëri, në 9 muaj 772 mln € erdhën si remitanca
12 Dhjetor, 17:02
-
Shqipëria 1.1 mld € investime të huaja në 9 muaj, preferohen pasuritë e paluajtshme! 56 mln € më shumë krahasuar me 2023
12 Dhjetor, 16:02
-
Shqipëria rekord të ardhurash prej 3.9 mld euro nga turizmi, për 9 muaj fitoi 640 mln € më shumë se në 2023
11 Dhjetor, 16:07
-
Dosja ‘Buka’, GJKKO nuk nis gjykimin për Ahmetajn, i jep SPAK 3 muaj kohë të plotësojë hetimet
10 Dhjetor, 13:48
-
Kreshnik Spahiu: Pastroni politikën duke sekuestruar 10 telefonat e oligarkëve dhe jo 10 grave apo vjehrrave…
9 Dhjetor, 16:22
-
FMN apel Bankës Qendrore: Kujdes me kreditimin e pasurive të paluajtshme! Eksperti: Krizat më të mëdha nisin nga ‘flluskat’ në këtë sektor
7 Dhjetor, 16:19
-
Miliona euro përfitime nga anëtarësimi në SEPA, Sejko thirrje bankave: Plotësoni kushtet që të bëheni pjesë e sistemit evropian, investoni në inovacion
5 Dhjetor, 14:22
-
Vrojtimi i BSH/ Ndërtimi optimist, rritet kërkesa për prona! Turizmi ‘pesimist’, ndikoi rënia e ‘bumit’ të sezonit veror! Besimi në ekonomi u ul me 0,4% në Nëntor
2 Dhjetor, 17:25
-
Informaliteti, 7.4 mld lekë më shumë jashtë bankave më 2024! Qeveria plan për kufizimin e pagesave cash për qytetarët
1 Dhjetor, 16:45
-
Bizneset më shpesh në dyert e bankave, morën 564 mln euro kredi më shumë se vjet! 1/3 e huasë shkoi tek tregtia me shumicë e pakicë, bujqësia në vendnumëro
28 Nëntor, 16:56
-
Shpallja e Pavarësisë, Banka e Shqipërisë publikon serinë e monedhave numizmatike
28 Nëntor, 13:15
Pse e filloni me deputetet?! Fillojeni me tregetaret ne rruge.Shkoni dhe provoni t'ju jepni aq sa e kane te shkruar ne tabelat e cmimit dhe keni per te pare ndryshimin mes numerit te shenuar si cmim ne tabele dhe atij qe nenkuptojne.
PërgjigjuSigurisht,legenat e kuvendit jane mizantropët e kryetarëve te partive shushunja e te pangopura 30-vjeçare ne pushtet e opozite qe nuk kane te ngopur e do vazhdojne derisa ky popull ti votoje si askund ne bote. Popull te ruajtët Zoti se AMERIKA nuk mund te bej me teper,vetem te te sjell nje ENVER.AMEN!
PërgjigjuE dine shume mire deputete ndryshimin por do flasim ne zero me teper qe sikur na kane ngritur rrogen shume. Arditi ne Telebingo bertet me shume se te tjeret
PërgjigjuDeputetet nuk njohin lekun dhe as duan ta njohin perderisa dashurojne Dollar dhe Euro, mos u lodhni me ju mbuash trunin ketyre qenieve degjenerata
PërgjigjuHahahahahahahahahaj ohhhhh sa kom qesh.
Po normal qe do flasin me te vjetra se duhet te jept idea tek sovrani qe do kene lek shume. Eshte si ajo shprehja mos ja vendos djalit emrin genci por vendosja llazi ...qe te mbushet goja. Apo si ne gjykata qe kur denohen 10 veta nuk thone qe u denuan me nga 2 vite burg. Por thone u dhane 20 vjet burg per te denuarit. A thua se keta do e kene kolektiv denimin dhe jo individual. Pra ka te bej me si duhet shitur lajmi. Dhe jo se nuk edukohen njerezit Imagjino dhe fjalen europe...te gjithe gazetaret e perdorin eVrope(evro dhe jo euro). Ndoshta jane te gjith gazetaret emigrant ne greqi. Hahaha
Përgjigju