POP 5

Lajmet më të lexuara të 5 minutave të fundit

Ekonomi

Leka Zogu kërkon 1.015 ha tokë
në Mat,agjencia ia mohoi në 2009

Pinjolli i familjes mbretërore shqiptare ka hedhur në gjyq civil Agjencinë e Pronave, duke kërkuar anulimin e një vendimi të saj të marrë në vitin 2009 për 1.015 hektarë prona në rrethin e Matit.
TIRANE- Leka Zogu II ka hedhur në gjyq Agjencinë e Kthimit e Kompensimit të Pronës, duke kërkuar anulimin e vendimit të saj të datës 10 janar të vitit në vazhdim. Duket se pozicioni i tij si këshilltar politik pranë presidentit të Republikës nuk ka penguar aspak AKKP në që t’u japë të drejtë pronësie mbi tokat e pretenduara prej tij personave të tjerë.

Sikurse del nga njoftimi porsahapur gjyqësore, Leka Zogu II ka kërkuar shfuqizimin e dy vendimeve njëherazi: të atij nr 4, datë 23 janar të vitit 2009 të Zyrës rajonale të Kthimit e Kompensimit të Pronave të Qarkut të Dibrës, të marrë kur ende ekzistonin zyrat zonale të AKKP-së, si dhe shfuqizimin e vendimit nr.4 të datës 10 janar të këtij viti, tashmë nga Agjencia e vetme, që ndodhet në kryeqytet. Kjo e fundit ka konfi rmuar vendimin e agjencisë së Dibrës.

Zogu ka kërkuar edhe njohjen, kompensimin e kthimin e pronës të ndarë në dy parcela, me sipërfaqe 394.956 metra katrorë, e para dhe me sipërfaqje 9.760.199 metra katrorë, e dyta, të ndodhura në Rrethin e Matit. Kjo nuk është hera e parë që “familja mbretërore” shqiptare ka probleme gjyqësore. Vitin e kaluar një bankë ngriti padi ndaj tij për faktin se, përnjë kredi me vlerë 518.022 euro për blerjen e një shtëpie me afat 300 muaj shlyerje detyrimi, nuk janë paguar në hapësirën e 40-muajve që kurse është marrë kjo kredi, 25 këste. Detyrimi total i kredimarrësit i papaguar arrinte në 607.126 euro. Në pamundësi pagese, banka ka kërkuar që të vihet dorë mbi pronat tashmë të kthyera familjes së pretendentit për fronin mbretëror, që duhet të sekuestrohen për të shlyer detyrimin ndaj bankës.

Shkrimi u publikua sot në gazetën Shqiptarja.com (print)

(sg/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Abuzim me tenderat/ Dënohet me 2 vite burg ish-kryebashkiakja e Patosit, Rajmonda Balilaj! I konvertohet në 2.8 vite shërbim prove

Abuzim me tenderat/ Dënohet me 2 vite burg ish-kryebashkiakja e Patosit, Rajmonda Balilaj! I konvertohet në 2.8 vite shërbim prove

15 Janar, 19:00