Lëkundja e fundit sizmike, 180 mijë shqiptarë dynden në faqen e EMSC-së për të marrë informacion! Bllokojnë përkohësisht sistemin

Lëkundja e fundit sizmike ka shkaktuar jo pak shqetësim tek shqiptarët. Këtë e tregon edhe fluksi i madh që kanë krijuar në faqen informuese rreth tërmeteve, EMSC.

 Në epokën digjitale tashmë informacionet rreth tërmeteve merren në kohë reale në internet. Një gjë të tillë e ofron edhe EMSC. Por fluksi i klikimeve kanë nxjerrë 'jashtë loje' përkohësisht  faqen.

Ka qenë vetë EMSC që ka reaguar për rastin në fjalë dhe ka pranuar se pas lëkundjeve rreth 180 mijë përdorues janë futur për të marrë informacion.

“Po merremi që të rregullojmë problemet. Na vjen keq. Lëkundja e pas tërmetit në Shqipëri ka krijuar probleme. Do bëjmë ç’të jetë e mundur. Kjo tregon se të qenit një organizatë OJF pa fonde të përherëshme bën që shërbimi të jetë i vështirë për t’u mbajtur,”-shkruhet ndër të tjera në Twitter.

Një komentues i pyet i çuditur se vërtetë ka qënë Shqipëria ajo që ka shkaktuar një mbingarkesë të sistemit

“Po një pas lëkundje e ndodhur në një vend si Shqipëria që ka 180 mijë përdorues të aplikacionit ‘LastQuake’”, shkruhet në Twitterin e tyre.

Lajmi kryesor:

Shqipëria s'gjen qetësi nga tërmeti, këtë herë epiqendra në Maminas, sizmologu: Qetësohuni, janë lëkundje normale

TAG:
• termet
• termet me viktima ne Shqiperi