Studentët në Tiranë pretendojnë të rikthejnë sërish protestën e vitit 2018 pasi sipas tyre “Pakti për Universitetin” nuk është zbatuar. Shkencat Sociale bojkotuan mësimin të martën dhe njoftuan se do t’i bashkohen protestës kundër rritjes së çmimeve.
“Nuk duam të ikim nga Shqipëria, duam të ikim nga Venezuala e Ballkanit!”
Studentët e Fakultetit të Shkencave Sociale bojkotuan mësimin këtë të martë. Ata duan të bëhen pjesë e protestave të nisura gjashtë ditë më parë, me kërkesat e tyre, të mbetura pezull prej vitit 2018.
“Është bojkotuar mësimi në disa klasa, në disa fakultete, por jo në mënyrë masive të organizuar. Protestës masive sot t’i shtohet masa studentore si subjekt shumë i rëndësishëm që do t’i jap frymë”, thonë studentët.
Katër vjet më pas ata janë të pakënaqur me Paktin për Universitetit i prezantuar pas protestave në 2018-ën.
“Nga gjithë ato kërkesa në kemi akoma probleme dhe asnjë nga ato nuk është plotësuar mirëfilli. Mendojmë që ky është momenti shumë i mirë për t’u ngritur prapë dhe bashkë me qytetarët e tjerë të bëjmë atë që lamë përgjysmë në 2018”, deklarojnë studentët.
Një tjetër student thotë se pasi mbaroi “bachelor”-in me rezultate maksimale, nuk u punësua siç iu premtua përmes “paktit për universitetin”.
“Pakti për Universitetin” kishte disa probleme thelbësore, pandemia i rëndoi këto probleme në zbatim. Premtimi i bërë që ekselentët do të punësohen, unë jam një nga ato ekselent që kam mbaruar dhe nuk jam punësuar.
Karta e studentit praktikisht nuk shërben asnjë gjë. Po ta shohësh në listën online ka dhjetëra qindra biznese, por që janë servise makinash, dyqane të njerëzve të famshëm ose bizhuterie. Ndërkohë, dyqanet ushqimore, konviktet, mensat nuk kanë asnjë lloj lehtësimi”,përfundojnë studentët.
Bojkotim të mësimit pati edhe në Fakultetin e Shkencave të Natyrës. Me shumë gjasa studentët do të organizohen çdo pasdite për t’iu bashkuar protestës së qytetarëve përpara godinës së kryeministrisë.
Lajme të tjera
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
VIDEOLAJM/ ‘Ik, zhduku’, kush i provokoi nga brenda Ministrisë së Arsimit qytetarët që po protestonin për vrasjen e Martin Canit
21 Nëntor, 16:36 -
‘Dy vite mësim me turne, fëmijët vijnë në shtëpi natën!’ Protesta në Golem të Lushnjes nxjerr në pah propagandën për ‘rilindjen e shkollës’
19 Nëntor, 08:38
-
Kuvendi debat për vrasjen e 14-vjeçarit, Zhupa: Manastirliu të dorëhiqet, ku e çuat 'Paketën e Sigurisë' në shkolla? Balla: Mos bëni politikë, na jepni votat ta miratojmë! PD 1 minutë heshtje pa PS
19 Nëntor, 07:25 -
Reagon mjekja zëvendësuese për protestën e banorëve: Jam në punë, mbuloj tre fshatra të Lezhës
18 Nëntor, 16:49 -
Mjekja me leje lindje, protestojnë banorët e Spitenit në Lezhë: S’marrim shërbim shëndetësor
18 Nëntor, 16:39
-
Fier/ Punëtorët e pastrimit në protestë: Me 40 mijë lek/muaj, nuk mbajmë dot familjet me bukë! Subashi: Pagat i cakton Qeveria, s'ka rritje
18 Nëntor, 16:16
-
Anijet me mbetje nga Tajlanda në Porto Romano, banorët protestë kërkojnë të largohen: Pse i sollën te ne?
17 Nëntor, 15:12
-
Lufta në Gaza dhe Liban/ Protesta në Paris për mbrëmjen gala pro-izraelite, e promovuar nga e djathta ekstreme! Do mblidhen fonde për ushtrinë e Tel Avivit
14 Nëntor, 09:19 -
PD protestë ditën e miratimit të buxhetit 2025 në Kuvend, zbardhet mesazhi dërguar kryetarëve të degëve
12 Nëntor, 20:25 -
Policia holandeze ndalon protestën propalestineze, pas dhunës në futboll
10 Nëntor, 17:31 -
'Drejtësi për Enion! Na siguroni jetën!', burra gra e fëmijë bllokojnë rrugën e Pajovës: Të vendoset sinjalistikë për kufizimin e shpejtësisë
8 Nëntor, 11:05
