POP 5

Lajmet më të lexuara të 5 minutave të fundit

Kronikë

Leonidha Papa kreu i OMONIA-s
ikën Vasil Bollano pas 8 vitesh

Me 190 vota pro është zgjedhur kryetari i ri i OMONIA-s, Leonidha Papa. Kandidat për postin e kryetarit të organizatës së minoritetit grek ishte edhe Vasil Kajo, i cili ka marrë 170 vota.  VIDEO
Me 190 vota pro është zgjedhur kryetari i ri i OMONIA-s, Leonidha Papa. Kandidat për postin e kryetarit të organizatës së minoritetit grek ishte edhe Vasil Kajo, i cili ka marrë 170 vota.

Të pranishëm në këtë forum zgjedhor të mbajtur në Sarandë, krahas krerëve të lartë të OMONIA-s, ka qenë nënkryetari i Kuvendit, Vangjel Dule njëkohësisht kryetar i PBDNJ, Konsulli i Përgjithshëm i Greqisë në Gjirokastër, Nikolaos Kotrakoi, ambasadori grek në Tiranë Leonidhas Rokanas dhe ish-kreu OMONIA-s Vasil Bollano.
 
Votimi ka zgjatur 8 orë dhe Leonidha Papa fitoi në raundin e dytë. Kreu i ri ka falenderuar zgjedhësit duke thënë se për të tani nis puna më e vështirë.  Në procesin e votimit, i cili nisi në orën 10:00 të së dielës, në 24 vjetorin e themelimit të kësaj organizate kanë votuar 360 votues nga të gjitha komunat minoritare, por edhe nga minoritarë të ardhur nga Greqia. 

Ish-kreu Bollano edhe ambasadori Rokanas, theksuan nevojën e vazhdimësisë së rrugës së deritanishme të OMONIA-s, si dhe ngritjen në një shkallë më të lartë të veprimtarisë së saj, për mbrojtjen e të drejtave të minoritetit grek në jug të Shqipërisë. 

Zgjedhjet për kreun e ri kanë filluar në muajin dhjetor, pas dorëheqjes së Vasil Bollanos i cili e ka mbajtur këtë post për 2 mandate radhazi. Në zgjedhjet e dhjetorit kandidatet ishin Leonidha Papa, Vasil Kajo dhe Alqi Puli. Në këto zgjedhje Papa mori 152 vota, Kajo 148 vota, ndërsa Puli 70 vota. në Balotazh Leonidha Papa mesa duket ka fituar edhe mbështetësit e Alqi Pulit duke fituar 190 vota. 

Kreu i ri i OMONIA-s, 41-vjeçari Leonidha Papa është me profesion inxhinier ndërtimi dhe ai konsiderohet si një nga politikanët e rinj premtues të minoritetit etnik grek në Shqipëri.
 
Redaksia Online
(g.f/Shqiptarja.com)
 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55