Sali Berisha nuk ka lënë të shuhet jehona e “Babales” dhe ka postuar sërish sot një foto-montazh të Taulant Ballës.
Këtë radhë ka zgjedhur një foto të një plaku me një person që Berisha thotë se është i dënuar dhe i ka vënë para në mënyrë të shëmtuar amatoreske një foto të Taulant Ballës, imazhin e së cilës e ka prerë nga një foto e tij në facebook nga një vizitë e Edi Ramës në Qarkun e Elbasanit.
Foto-montazhi pason një kërkesë të PD, që Taulant Balla të mos kryesojë delegacionin parlamentar në Parlamentin Evropian, bazuar tek akuza se ai shoqërohet me trafikant dhe përdhunues.
Në të dy rastet bëhet fjalë për dy falsifikime. Kjo që sapo ka botuar Berisha është tërësisht amatore, ndërsa çështja e Xhisielës në Fushë-Krujë jo vetëm që nuk ka ndodhur por mund të prodhojë dhe përgjegjësi ligjore për ata që e kanë shpikur.
Tani le ta lëmë mënjanë inatin e tërbuar që ka Lulzim Basha e Berisha me Taulant Ballën, për shkak se ai ka një jetë që merret me Argitën, Shkëlzenin dhe Kunatin e Lulit dhe të shikojmë seriozitetin e PD.
Kur i drejtohesh Parlamentit Evropian për një person në emër të një kauze të cilën shpreson ta bësh “kalë beteje”, minimum duhet të bësh kujdes të kesh dhe ndonjë fakt të vërtetë.
Tani nuk është puna se të dyja faktet i ka të gënjeshtra, por dhe fillimi i procedimit penal për dosjen “Babale”, krijon dhe një kontekst të fortë pabesueshmëria për opozitën, pasi është fillimi i ç’montimit të një “fabrike” të madhe lajmesh të rreme për qëllime politike.
Ndaj PD do të ishte mirë që betejën dhe urrejtjen personale të dy bashkryetarëve të PD, ndaj Ballës, të gjente ndonjë mënyrë tjetër për ta shprehur, jo duke heroizuar Ballën dhe duke shpikur çdo javë nga një skandal, që është thjesht gënjeshtër.
Kjo po i krijon atj një imunitet në opinionin publik dhe PD po shfaqet përditë e më shumë si një parti që bën “gjueti shtrigash” mbështetur në hallet familjare të bashkëkryetarëve të saj. Pasi do t’u ndodhë si me atë përallën e ujkut që dhe nëse Taulant Balla bën vërtet ndonjë gjë të rëndë, nuk ka për ta besuar njeri, duke e thënë PD.
Por sidoqoftë lëreni Taulantin të bëjë ndonjë gabim, ta kapni vërtet në një aferë, që mund ta inkriminoni dhe t’ua tregoni shqiptarëve.
Se kështu vetëm sa ia rrisni vigjilencën dhe e bëni dhe më të besueshëm jo vetëm në PS por dhe në Bruksel./ TEMA
Lajme të tjera
-
Mero Baze: Përse Berisha është i tërbuar me opozitarët e rinj
17 Nëntor, 07:07
-
Ervin Salianji reagon nga Burgu i Fierit: Skandal, Spiropali nuk dërgon në SPAK hetimin e TIMS! Ndaj më burgosën, kamikaze e Ramës
14 Nëntor, 09:31 -
Mero Baze: Në pritje të autokritikës së pronarëve të televizioneve për Berishën
13 Nëntor, 21:48
-
Balla takim me deputetin Shaip Kamberi në parlamentin serb: Kërkesat e shqiptarëve të Luginës së Preshevës duhet të respektohen
12 Nëntor, 16:22 -
U dënua për ‘Babalen’/ Denoncimi i Bardhit: Skandal, Gjykata e Apelit po vonon zbardhjen e vendimit ndaj Ervin Salianjit! Po pengohet rekursi, regjim totalitar
11 Nëntor, 12:52 -
Balla takim me komunitetin shqiptar në Venecia: Vota e Diasporës, një hap i rëndësishëm për demokracinë shqiptare
9 Nëntor, 16:54 -
Mero Baze: Përse Berisha nuk e shpjegon dot me patriotizëm 'non grata'-n e vet dhe të familjes
9 Nëntor, 07:11
-
Balla takim me drejtuesit e Shoqatës së Avokatëve Shqiptarë në Itali: Po punojmë për zgjidhjen e problematikave me njohje dokumentash dhe lehtësim procedurash konsullore
8 Nëntor, 20:20 -
‘Reagim nga kabina telefonike e Burgut të Fierit!’, Ervin Salianji për aksidentimin e 8-vjeçarit në Peqin dhe protestën e banorëve: Jeta në këtë vend është zhvlerësuar!
8 Nëntor, 16:43 -
Mero Baze: Gjithë hallet e 'Trump'-istëve shqiptarë, pas 'fitores'
6 Nëntor, 21:24
-
Mero Baze: Mosbindja ndaj 'Mosbindjes'
6 Nëntor, 10:38
-
Balla takim me studentë dhe profesionistë shqiptarë në Selanik: Shqipëria, tërheqëse edhe në aspektin ekonomik
2 Nëntor, 18:34
