Që brënda Partisë Demokratike ka edhe tek-tuk deputetë që nuk janë fare dakort me kryetarin e saj zotin Basha, kjo nuk diskutohet, por edhe që ka brënda saj deputetë që japin dhe marrin edhe me “tradhëtarët”, kjo sërish nuk diskutohet. Por e rëndësishme mbetet fakti se PD duhet lënë e lirë, Pd duhet shpëtuar, PD duhet ndihmuar, ndaj lëshoje PD Lulzim. Lëshoje nga kthetrat e tua, lëshoje nga ndikimi yt dhe shpurës tënde, lëshoje nga trysnia që ushtron mbi këdo që tenton të flasë dhe veprojë ndryshe.
Lëshoje PD dhe lëri djemtë e tu (deputetët) të bëjnë ç’ka mendojnë, të bëjnë edhe ata njëherë në jetën e tyre më të mirën për votuesit. Lëshoje PD Lulzim, të rikthehet në parti politike dhe jo organizatë fronti lagje, lëshoje të ngjallë shpresën dhe rikthejë besimin tek vegjëlia e demokratët. Lëre PD të ringrihet dhe ribashkohet, lëre PD të bëhet e lire dhe demokratike, lëre PD mos e ngarko me pula dhe vezë, sepse do të humbasë edhe ata që ngritën dy gishtat në pallatin e Kongreseve kur mblodhe Këshillin Kombëtar. E largove 6 muaj PD nga Parlamenti, e nxorre në rrugë e rrugica, e nxorre në bulevarde dhe sheshe duke kërkuar “zgjedhje të parakohshme” kur akoma nuk ke një regjistër të saktë sa votues të kanë mbetur.
Një parti politike serioze, një parti politike që ka patur dhe ka mbajtur gjatë pushtetin, konsiderohet se është një grupim i përgjegjshëm, serioz dhe i vetëdijshëm për çfarë bën. Atë që bëre me babalet dhe ish-oficerët e liruar nga dertyra, atë që bëre dhe po bën edhe me Astirin dhe pastaj duke tentuar të bësh të PD-së edhe kauzën e studentëve, padyshim tregon se rruga juaj drejt shkatërrimit të institucionit të opozitës, është pa kthim. PD sot është e marrë peng, është transformuar nga parti politike në formacion guerilas, me një fizionomi të përcaktuar drejt rrënimit. Në rast se nuk lëshove karrigen e kryetarit, lësho partinë Lulzim, lëre të bëhet e demokratëve, e shqiptarëve, e atyre që u bashkuan me atë parti në ditët më të vështira të saj, dhe që u larguan pastaj kur e panë gjithçka po shkonte drejt (vetë) asgjesimit politik.
E njëjta gjë do të ndodhë me PD edhe në qershorin e 2019 apo në qershorin e 2021, në rast se kjo PD është e kapur pas teje dhe shpurës tënde. Të bësh opozitë, nuk do të thotë të merresh gjithë muajt e vitit, me cic-micet e ministrave dhe ndonjë deputeti, nuk do të thotë ti ngujosh deputetët e veshur me “Versace” në zonën e Astirit, nuk do të thotë të shpalosësh fjalorin banal ndaj kolegëve në Parlament, nuk do të thotë të hedhësh këpucë, çizme dhe vezë ndaj kryeministrit, por do të thotë të rrezatosh kulturë qytetare dhe emancipim politik. Lëre PD të jetë e lirë dhe e hapur Lulzim, lëre të bëhet europianiste siç ke deklaruar ti dikur, lëre PD të ribashkohet, dhe fundja nise nga e para , nise nga vetja, sepse nuk ke lindur kryetar partie Lulzim, ndiq shembullin e Doktorit./Javanews/
Komente
Lajme të tjera
-
Po tani, ka drejtësi zoti Berisha ?
27 Nëntor, 22:37
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Jakin Marena: Berisha ‘xhiroi bosh’ një vit, rikthim në pikën zero, pa kauza e alibi
27 Nëntor, 19:03
-
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
-
I dhj….rë , por krenar!
27 Nëntor, 18:05
-
Berisha u lirua nga 'arresti shtëpiak', Haklaj për Report Tv: Bie alibia e tij se drejtësia është e kapur! Anëtarja e FRPD: Vendimi i vonuar, mosbindje civile deri në qeveri teknike
27 Nëntor, 18:01 -
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
-
Dritan Hila: Më mirë rrugëve!
27 Nëntor, 15:18
Te lumte. Shkrim I papare. Respekt
Përgjigju