POP 5

Lajmet më të lexuara të 5 minutave të fundit

Kronikë

Leterporositë mbajnë peng 137 kg kokainë, priten përgjigjet nga Greqia dhe Ekuadori

Prokuroria e Krimeve të Rënda është në pritje të përgjigjes së dërguar një muaj më parë në Greqi dhe në Ekuador, ku kërkon informacione shtesë për biznesmeni durrsak Gentian Malindin dhe personat e tjerë për të cilët dyshohet se kanë bashkëpunuar me të për trafikimin e 137 kg kokainë. Aktualisht për këtë dosje janë në pranga Ardian Bega dhe Altin Mislihaka, ndërsa nën hetim janë edhe zyrtarë të Portit të Durrësit me dyshimin se kanë lejuar këta persona të tërheqin pakot me kokainë nga kontenieri me banane.

Letërporositë e dërguar rreth një muaj më parë në Greqi e në Ekuador për të siguruar më shumë detaje rreth porositësve të 137 kg kokainë të sekuestruara në Portin e Durrësit, po mbajnë peng hetimet për këtë dosje që po hetohet në Prokurorinë e Krimeve të Rënda.

Pas bllokimit të kësaj sasie droge, organi i akuzës iu drejtua autoriteteve të huaja me një letërporosi ku kërkon informacion, jo vetëm për tre personat e identifikuar deri më tani, dy prej të cilëve u prangosën, por edhe për pritësit e kokainës. Burime pranë grupit hetimor sqaruan se janë në pritje të këtyre përgjigjeve, të cilat mund të hedhin dritë mbi porositësit e lëndës narkotike.

Në letërporositë e dërguara, mësohet se është kërkuar informacion më i detajuar nëse biznesmeni në kërkim, Gentian Malindi ka qenë ose jo i proceduar apo i hetuar nga hetuesit e huaj, si dhe të dhënë mbi personat e tjerë që prokuroria dyshon se kanë bashkëpunuar me të në vendin tonë.

Të njëjtat burime saktësuan se të dhëna shtesë janë kërkuar edhe disa persona nga qyteti i Elbasanit, Fierit e Vlorës, për të cilët  Prokuroria e Krimeve të Rënda dhe Policia e Shtetit ka dyshime se janë në implikuar në trafikimin e 137 kg kokainë të nisur nga Ekuadori dhe nëpërmjet Portit të Pireut mundën të hyjnë në vendin tonë e fshehur në kontenierin me banane.

Aktualisht për këtë ngarkesë qëndrojnë në qeli dy persona, Ardian Bega, oficeri i sigurisë në Portin e Durrësit, si dhe punëtorin në anijen e Gentian Malindit, Altin Mislihaka. Ndërsa masa e sigurisë “arrest me burg” në mungesë është dhënë edhe për biznesmenin durrsak Gentian Malindi.

Sipas policisë, dy personat e arrestuar sapo kanë marrë pakot me kokainë nga kontenieri, u larguar me një makinë së bashku me Gentian Malindin drejt Shkëmbit të Kavajës, por sapo kanë zbuluar se në pakot ku mendonin se kishte kokainë ishte futur oriz dhe nga një GPS për të zbuluar destinacion përfundimtar, ata e kanë hedhur çantën në mes të rrugës, duke u larguar prej andej.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46