Letra e Skënderbeut, ja artikulli
për të cilin u kritikua Pilika në 1967

TIRANE - Me 2 prill 1967, studiuesi i njohur i antikitetit Dhimitër Pilika i shkruante i shqetësuar Enver Hoxhës një letër, me drojën se mund të kishte rënë në “gabime ideore” gjatë shkrimit të disa studimeve të botuar në ato kohë në revistën “Ylli”. Ai citon botimin e një shkrimi rreth një letre të panjohur të Skënderbeut, letër që heroi kombëtar ia dërgonte kardinalit të Fermos Dominik Kapranikës me 8 të prillit 1456.

Duke shprehur ankthin dhe frikën në të cilën ishin zhytyr së bashku me familjen e tij, ai e mbyll letrën për Hoxhën ndërsa i bashkangjit artikujt e botuar në revistën “Ylli”, mes të cilëve artikullin për letrën e Skënderbeut, rreth të cilit kishte marrë kritika nga Instituti i Historisë. Sot sjellim të plotë artikullin e studiuesit të njohur, i cili veç vlerave shkencore dhe pasionit të tij si kërkues, përcjell ndër të tjera edhe absurdin e kësaj gjendjeje kritike ku gjendej historiani, si një shembull i rrethanave tejet të vështira, në të cilat historianëve ju duhej të shkruanin historinë e Shqipërisë.