Letra/ Enveri-Ramizit: Mos vrisni
familjet e partizanëve dezertorë

TIRANE- Sa të vërtetë ka në faktin se janë kryer masakra nga partizanët në zona të ndryshme të vendit, sidomos në pjesën e parë dhe fundit të vitit 1944? Më interes janë masakrat e kryera mbi familjet e partizanëve që dezertonin nga rradhët e ushtrisë Nacional Çlirimtare.

Ndoshta jo me urdhër nga kupola e partisë komuniste, por drejtuesit e brigadave partizane, si Gjin Marku apo Mehmet Shehu, dëshmohet se kanë djegur e vrarë familjet e partizanëve që kanë dezertuar. Dokumenti që sjellim sot është një letër e 17 qershorit 1944, ku Enver Hoxha i shkruan Ramiz Alisë ndër të tjera edhe për këtë  çështje shumë delikate sipas tij.

Hoxha i thotë Ramiz Alisë se Gjin Marku në brigadën ku Alia ishte përgjegjës i rinisë kishte marrë vendime të gabuara  lidhur em dezertorët. “Djegiet e shtëpive duhet të kufizohen shumë dhe të mos meret kjo masë përveç se në rastet ekstreme kundër një tradhëtori.