Letrat e Titos: Urdhërat strategjikë 
për Miladin Popoviçin në Shqipëri

Udhëheqja komuniste e Shqipërisë merrte direktiva të qarta gjatë luftës nga Tito. Veç të tjerave, ky fakt vërtetohet edhe përmes kësaj letre të datës 9 tetor 1943, që mareshali Tito i dërgonte Miladin Popoviçit në Shqipëri, ku ai e porosit për një sërë çështjes strategjike të luftës. Duke e pyetur se cila është gjendja ushtarake në Shqipëri në këtë kohë, Tito e prositPopovicin që nëse radhët e partizanëve kanë mbërritur në disa mijëra, të krijohen brigadat e më vonë divizionet.

Po ashtu Tito i kujton Miladin Popoviçit se duhet të jenë të kujdesshëm që udhëqja e forcave partizanë most u rrëshkasë nga duart, pasi mund ta marrin kundërshtarët (e komunsitëve) e ta përdorin më tej kundra tyre. Më tej në letrën e tij Tito e pyet Popoviçin nëse kishin ardhur misione britanike në Shqipëri dhe nëse po nga ç’rrugë? Ai këshillon që të tregojnë kujdes me anglezët. “Mos i lini të futen në punët e brendshme. Tregohueni të squet, shfrytëzoni qenien e tyre që t’ju dërgojnë ndihma materiale, por ruhuni mos të futen në sekretet partizane e ushtarake..”.

Duke i këshilluar se si udhëheqësit komunistë të shkojnë drejt krijimit të qeverisë e të marrin pushtetin, Tito i këshillon që të krijojnë këshillin nacional çlirimtar popullor i cili, sipas tij do të kishte të gjithë funksionet e një qeverie, derisa të krijohej një qeveri e tillë. Ndërsa në fund të letrës së tij Tito prek çështjen e Kosovës. “Mos lejoni që reaksionarët të përfitojnë nga çështja e Kosovës dhe Metohisë. Sqaroni se “çështja e Liris, e Barazimit Nacional dhe e vetëvendosjes, mund të zgjidhet me drejtësi vetëm gjatë luftës së përbashkët me lëvizjen e çlirimit të popujve të Jugosllavis”. Më poshtë sjellim të plotë letrën  së bashku me faksimilet që ruhet në AQSH, në fondin e Partisë në dosjen 39.