POP 5

Lajmet më të lexuara të 5 minutave të fundit

Politikë

‘Lëvizja Bashkë’ regjistrohet në KQZ për zgjedhjet e 14 majit, refuzohet koalicioni 'Aleanca'

Pas një beteje për t’u regjistruar në zgjedhjet e 14 majit, ‘Lëvizja Bashkë’ me drejtues Arlind Qorin do të jetë pjesë e garës për ‘Vendoret’. Komisioneri, Ilirjan Celibashi e ka bërë të ditur vendimin në mbledhjen e KQZ.

TIRANË- Pas një beteje për t’u regjistruar në zgjedhjet e 14 majit, ‘Lëvizja Bashkë’ me drejtues Arlind Qorin do të jetë pjesë e garës për ‘Vendoret’. Komisioneri, Ilirjan Celibashi e ka bërë të ditur vendimin në mbledhjen e KQZ.

‘Vendosim regjistrimin e Lëvizjes Bashkë në zgjedhjet vendore të datës 14 maj 2023.’- tha Celibashi.

Më herët, ‘barriera’ që mbante Qorin larg zgjedhjeve të 14 majit, ishte pasi KQZ argumentonte se vendimi i Gjykatës së Tiranës për regjistrimin e ‘Lëvizjes Bashkë’ si subjekt nuk është i formës së prerë dhe nuk është pasqyruar në regjistrin e partive politike. Qori e ka kundërshtuar disa herë këtë fakt, madje çështja kaloi në KAS, por u rrëzua. Duke e cilësuar si akt politik, Qori tha aso kohe se vendimin do ta çonte në Kolegj Zgjedhor.

Ndërkohë, në KQZ u refuzua kërkesa e koalicionit ‘Aleanca’.

Koalcioni ‘Aleanca’ përbëhej nga katër partitë opozitare, Aleanca Demokratike me kryetar Eduart Abazin, Aleanca për Demokraci dhe Solidaritet me kryetar Gaqo Apostolin, Aleanca Barazi dhe Drejtësi Europiane me kryetar Valentino Mustakën  si dhe partia për Europianizimin dhe Integrimin e Shqipërisë. KQZ i refuzoi për mosplotësim dokumentesh pas afatit.

 

G.MO/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Mirel Josa nuk është më trajneri i Besës! Pas 12 ndeshjesh në drejtim të ekipit kavajas ndërpritet marrëdhënia

Mirel Josa nuk është më trajneri i Besës! Pas 12 ndeshjesh në drejtim të ekipit kavajas ndërpritet marrëdhënia

25 Dhjetor, 16:30