Furnizimi pa ndërprerje me ujë të pijshëm gjatë sezonit turistik është diskutuar në mbledhjen e radhës së këshillit bashkiak në Lezhë. Sipas drejtorit të ujësjellësit Zef Maci, Lezha furnizohet me ujë të pijshëm me orar të kufizuar për shkak të numrit të lartë të banorëve si dhe rrjetit të amortizuar të ujësjellësit. Gjatë diskutimeve, Maci tha se është ngritur një Task Forcë për ujin në rast të ndonjë problematike, ndërkohë që tashmë është gati projekti për ndërtimin e ujësjellësit të ri të Lezhës.