POP 5

Lajmet më të lexuara të 5 minutave të fundit

Sociale

Lezhë, 12 familje refuzojnë të lirojnë godinën ku do ndërtohet azili! Bashkia: U kemi ofruar bonusin e qirasë

Bashkia e Lezhës kërkon lirimin e një godine shtetërore pasi ka projektuar ndërtimin e shtëpisë së të moshuarve. Banorët që jetojnë aty prej 34 vitesh refuzojnë të lirojnë ambientet. Nënkryetari i bashkisë thekson se 12 familjeve u është ofruar bonus qiraje dhe projekti do të realizohet pavarësisht pretendimeve të tyre.

Një godinë njëkatëshe që deri në vitet ’90-të ka shërbyer si kopsht për fëmijë, e më pas u bë strehë për 12 familje të komuniteteve rom dhe egjiptian do të shembet nga Bashkia e Lezhës. Objekti ku janë strehuar këto familje është në pronësi të bashkisë, e cila ka planifikuar të ndërtojë një qendër të re për të moshuarit, investim që kap vlerën e 2 milion eurove. Nënkryetari i Bashkisë Fatjon Zefi thotë se banoreve u është ofruar pagesa e bonusit të qirasë, por hezitojnë për të aplikuar.

“Ju kemi dërguar njoftimin për të liruar ambientit. Banorët s’kanë titull pronësie dhe kjo është zaptim i hapësirës publike. Ne u kemi ofruar bonus qiraje dhe ata duhet të kryejnë menjehere aplikimin dhe të lirojnë godinën”, tha ai.

Ish-kopshti i cili do të shembet për t’i hapur rrugë projektit të ri ndodhet në lagjen "Besëlidhja" në zonën pas Katedrales në qytetin e Lezhës. Banorët, që jetojnë këtu prej 34 vitesh kërkojnë shtëpi të reja dhe jo bonus qiraje. Sipas tyre pagesa prej 4 mijë lekësh për frymë është e pamjaftueshme.

“Bonusi i qirasë që na është ofruar është në vlerën e 4 mijë lekëve në muaj. Ne jemi dy veta dhe shkon 8 mijë lek pork jo shumë nuk mjafton për të paguar shtëpinë me qira”, tha një prej banorëve.

Banorët shprehen të vendosur në rezistencen e tyre dhe nga ana tjetër Bashkia e Lezhës paralajmëron se do të ndërhyje forcërisht për lirimin e këtyre ambienteve.

R.D/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Pensionisti: 06/02/2025 17:13

    Bravo Bashkia Lezhe,une jam nje pensionist. qe jetoj vetem, sa te përfundoj azili atje do shkoj.po gëzohem shume

    Përgjigju
  • Sondazhi i ditës: 3 Prill, 11:51

    Trump tarifa doganore 10 për qind Shqipërisë, sa ndikon në ekonomi?

Lajme të tjera



×

Lajmi i fundit

‘Ku i ke shokët’, Endri Hasa pyet Ramën nga Report Tv: ‘7x7 = 313’! S’na e jep dot pasaportën e BE, pa luftuar korrupsionin! Jemi krah SPAK

‘Ku i ke shokët’, Endri Hasa pyet Ramën nga Report Tv: ‘7x7 = 313’! S’na e jep dot pasaportën e BE, pa luftuar korrupsionin! Jemi krah SPAK

3 Prill, 19:15