Dy grabitje me armë u shënuan mbrëmjen e së premtes në Tiranë dhe Lezhë, ndërsa autorët mundën të marrin nga një supermarket dhe një kazino sasi të konsiderueshme parash.
 
Të premten në mbrëmje rreth orës 18:00, në rrugën nacionale Laç- Lezhë, pesë persona të armatosur dhe të veshur me uniforma të Forcave të Ndërhyrjes së Shpejtë, sulmuan një supermarket duke marrë prej arkës së tij një sasi prej rreth 2 milionë lekë.
 
Ngjarja ndodhi kur në market ishin vetëm punonjësit, të cilët u kërcënuan me armë. Autorët sipas burimeve të policisë kanë qenë me armë të tipit shotgan e me pistoleta.
 
Për të marrë sa më shumë produkte, agresorët detyruan punonjësit të ngarkonin edhe steka me cigare në veturën e tyre. Pas krimit,  grabitësit u larguar me një automjet tip Volkswagen.
 
Dega e Partisë Demokratike në Lezhë deklaroi se kjo tregon gjendjen e rendit dhe të sigurisë në Shqipëri, përkundër deklaratave të ministrit Tahiri në analizën vjetore të policisë.
 
Ndërkaq rreth orës 20:00 të së premtes, një kazino në rrugën “Medar Shtylla” në Tiranë u sulmua nga dy persona të armatosur.  Autorët mundën të marrin nga kazinoja një shumë prej 150 mijë lekë të cilat ishin pjesë e xhiros së turnit të kazinosë.
 
Sipas dëshmisë së punonjësve autorët kishin hyrë në mënyrë të menjëhershme në kazino dhe iu drejtuan armën, duke i kërkuar paratë.
 
Policia mori dëshmitë e punonjësve si dhe të kamerave të sigurisë, por autorët ende nuk janë identifikuar. 

Foto - Grabitja ne Lezhe

marketi lezhe
lezhe grabitja
 
lezhe grabitja
lezhe grabitja
Redaksia Online
(F.T/shqiptarja.com)