Lezhë, 500 banorë në periferi nuk furnizohen rregullisht me ujë, rrjeti shpërndarës i amortizuar! Qytetarët: E blejmë me bidonë

Rreth 500 banorë të lagjes “Nënë Tereza” në periferi të Lezhës nuk furnizohen rregullisht me ujë të pijshëm nga ndërmarrja e ujësjellësit. Ata ankohen se uji në çezma shkon vetëm një herë në ditë.

“Uji vjen vetëm pasdite rreth 2 orë. Ne me depozita kemi ujë. Ai që ka mundësi detyrohet e blen po ai që nuk ka mundësi i bie të konsumojë këtë. Është shumë vështirë”, thonë ata.

Prej 30 vitesh, depozitat dhe bidonët janë e vetmja mënyrë për të siguruar ujin.

 “Unë për vete e blej me bidonë. Ka kosto po nuk  kam çfarë bëj”, shprehet një tjetër banor.

Burime nga Bashkia thanë se në vitin 2020 është ndërtuar rrjeti i ri i ujësjellës-kanalizimeve, ku lagjja “Nënë Tereza” u përfshi pjesërisht. Banorët që ankohen për mungesë uji sot furnizohen nga rrjeti i vjetër dhe i amortizuar.

Lagjja “Nënë Tereza” është populluar pas viteve ’90 me banorë të ardhur nga fshatra të ndryshëm të veriut.

 

K.T./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fshati: 08/01/2023 18:11

    Nuk e kuptoj qellimin e artikullit, asnje qytet ne shqiperi nuk ka uje pa nderpreje. Ne shume fshatra nuk ekziston rrjeti i ujit te pishen fare. Kjo nuk n'a shqeteson aspak, shqetesimi yne eshte se ka disa qe nuk e duan Berishen dhe disa te tjere nuk duan Ramen, kjo eshte çeshtje qe ne jemi gati te marrim armet. Uji i pijshem s'eshte asgje.

    Përgjigju
  • fran: 08/01/2023 17:47

    Uje jemi dhe uje nuk kemi, ky eshte turp kombetar, jemi i vetmi shtet ne evrope me bidona neper cati e taraca por mire te na i bejne sepse vet i votojme.

    Përgjigju
  • Sondazhi i ditës:

    A besoni se SPAK do të bëjë drejtësi për 21 janarin?



×

Lajmi i fundit

Vau i Dejës/ Inskenohet dasma e Skënderbeut në kishën e Shën Mërisë! Eventi me angazhimin e shqiptarëve në Austri

Vau i Dejës/ Inskenohet dasma e Skënderbeut në kishën e Shën Mërisë! Eventi me angazhimin e shqiptarëve në Austri