Lezhë, arrestohet në flagrancë, dyshohet se montonte mina me telekomandë

Një 45 vjeçar është arrestuar në flagrancë pasi akuzohet se montonte mina me telekomandë (me lëndë plasëse C4), për t’ua shitur grupeve kriminale.

Arrestimi I Ilir Gjonit është kryer në kuadër të opeacionit të koduar  “New Start”.

Në qytetin e Lezhës, shërbimet e Policisë kanë loklaizuar shtetasin e dyshuar I. Gj., i cili mund të transportonte minat me telekomandë dhe kanë ndërhyrë menjëherë për ta ndaluar. Gjatë kontrollit, këtij shtetasi iu gjetën të fshehura në trup, 3 mina me telekomandë, me lëndë plasëse C4, për shpërthim në distancë, dhe një sasi të vogël lënde narkotike cannabis sativa. Nga hetimet e deritanishme dyshohet se ky shtetas i montonte vetë minat, me qëllim shitjen grupeve kriminale, për kryerjen e krimeve kundër personit.

LEXO EDHE:
Lezhë/ Ndezi zjarr për të djegur mbeturinat, flakët dolën jashtë kontrollit! Arrestohet 33-vjeçari (VIDEO)

 

Në përfundim të veprimeve procedurale u arrestua në flagrancë shtetasi I. Gj., 45 vjeç, banues në Lezhë, si dhe u sekuestruan në cilësinë e provës materiale, 3 minat (të montuara me celularë) dhe sasia e cannabisit.

Në bashkëpunim me Prokurorinë, vijon puna për dokumentimin e plotë të rrethanave të rastit, si dhe për identifikimin e shtetasve të tjerë të përfshirë në këtë veprimtari kriminale.

S.G/Shqiptarja.com

TAG:
• Lezhe