LEZHË - Mesnatën e së enjtes një kazino në lagjen “Besëlidhja” të qytetit të Lezhës është grabitur nga një person i armatosur dhe i maskuar.

Grabitësi është identifikuar nga policia si shtetasi Jak Ndoj 23 vjeç banues në fshatin Zojs të këtij rrethi.

23-vjeçari nën kërcënimin e armës ka mundur t’i marrë punonjësit të turnit lekët e xhiros ditore dhe është larguar në drejtim të paditur. 

Më ndjekje të tij janë vënë uniformat blu të qytetit verior, ndërsa janë shoqëruar në polici disa persona që mund të kenë dijeni për vendndodhjen e tij.


(v.gj/shqiptarja.com)