LEZHË - 24-vjeçari Arkil Selimi nga Fushë-Kruja u prangos me dy mina me telekomande të fshehura në trup.
Ai po udhëtonte nga Fushë-Kruja në drejtim të Lezhës, por u lokalizua në afërsi të Milotit.
Policia e Lezhës tha se kishte informacion se i riu shiste lëndën plasëse tek grupet kriminale të Lezhës, ndërhyri për arrestimin e tij në kushtet e flagrancës. Gjatë kontrollit fizik, 24-vjeçarit iu gjetën të fshehura në trup, 2 mina me telekomandë, me lëndë plasëse C4, për shpërthim në distancë.
Sektori për Hetimin e Krimeve të Rënda, në bashkëpunim me Seksionin kundër Trafiqeve të Paligjshme, Seksionin e Mbështetjes Operacionale të Hetimit, Forcat Operacionale dhe me Forcën e Posaçme “Shqiponja” të DVP Lezhë, në vijim të megaoperacionit kombëtar “Sundimi i Ligjit” dhe në bazë të informacioneve të siguruara nga inteligjenca policore, se një shtetas nga Fushë Kruja, po udhëtonte në drejtim të Lezhës dhe kishte me vete mina me telekomandë, për t’ua shitur grupeve kriminale, kanë organizuar dhe finalizuar operacionin policor të koduar “Horizonti”, thuhet në njoftimin e policisë.
Sakaq po hetohet për të zbuluar emrat e porositësve.
Nga hetimet e deritanishme dyshohet se Selimi i montonte vetë minat, me qëllim shitjen tek grupet kriminale kundrejt pagesës që varion nga 1500 deri në 2500 euro.
Dosja i kaloi per hetim Prokurorisë Lezhë.
Policia ka vënë në dispozicion pamjet e momentit kur arrestojnë 24-vjeçarin Arkil Selimi në afërsit të Milotit, të cilit iu gjetën 2 mina me telekomandë të fshehura në trup që dyshohet se do t’ia shiste grupeve kriminale.
Në pamje shihet momenti kur efektivët zbresin nga automjeti rrethojnë të riun i cili ishte në këmbë në anë të rrugës. Pasi e shtrijnë në tokë i vendosin prangat 24-vjeçarit dhe gjatë kontrollit në trupi i gjejnë minat me lëndë plasëse C4, për shpërthim në distancë.
Ministri i Brendshëm Taulant Balla ka reaguar në lidhje me kapjen e një 24-vjeçari që po transportonte 2 mina me telekomandë në Lezhë për t'i shitur tek grupet kriminale.
Balla përgëzon policinë, teksa bën thirrje që grupet kriminale duhen ndjekur këmba-këmbës.
'Parandalimi i ngjarjeve kriminale është detyrë parësore e Policisë së Shtetit. Përgëzime Policisë së Shtetit Lezhë për ndalimin në kohë të një personi të përfshirë në trafik të lëndëve/pajisjeve shpërthyese. Elementët/grupet kriminale duhen ndjekur nga Policia e Shtetit këmba këmbës, ditë natë!', ka qenë reagimi i ministrit.
Lajme të tjera
-
‘Riaktivizohet’ marrëveshja! Gjadri do presë emigrantë “të sigurt”
2 Nëntor, 15:25
-
Përplasi për vdekje këmbësorin në aksin Milot-Morinë, arrestohet 24 vjeçari nga Kosova
2 Nëntor, 11:47 -
Marrëveshja/ Nga e hëna rinis operacioni, emigrantët nga 'vendet e sigurta' do të akomodohen në Shqipëri
2 Nëntor, 08:05 -
Festa/ Fëmijët e Lezhës u thonë jo maskave të frikshme, vishen si ëngjej dhe shenjtorë
1 Nëntor, 15:27 -
Vrasja e Ardian Nikulajt, Gjykata e Lezhës lë në qeli portugezin Ruben Saraiva! Avokati: Të zbardhen mesazhet në Encrochat (VIDEO)
1 Nëntor, 10:45 -
U goditet me thikë në oborrin e gjimnazit, zbardhet dinamika e plagosjes së 18 vjeçarit! Shkak një fërkim krahu me autorin
31 Tetor, 12:09 -
Protesta e opozitës, disa të shoqëruar edhe në Lezhë pasi bllokuan rrugën në Milot
30 Tetor, 11:53 -
Fushë Krujë/ Nxënësi 18 vjeçar goditet me thikë në oborrin e gjimnazit, sillet me urgjencë tek Trauma! Shoqërohet në polici shoku i shkollës (VIDEO)
30 Tetor, 11:44
-
Rriten kërkesat për strehim social në Lezhë, miratohet plani 5-vjeçar për t’iu ardhur në ndihmë familjeve në nevojë
30 Tetor, 10:19
-
Tkurren protestuesit te rrethrrotullimi i Milotit, nisin të largohen! Qytetarët: Protestojmë për vjedhjet e qeverisë dhe arrestimin e Sali Berishës!
29 Tetor, 19:28 -
Rrethrrotullimi i Milotit, nis djegia e gomave! Nuk mungon as 'oxhaku me dru' në mes të asfaltit, protestuesi duke ngrënë dhe pirë: Rama ik, kriminel!
29 Tetor, 18:25 -
VIDEO/Protesta e opozitës, digjen goma dhe në hyrje të autostradës në Fushë Milot
29 Tetor, 18:08
