POP 5

Lajmet më të lexuara të 5 minutave të fundit

Sociale

Lezhë/ Lagjja ‘Shehër’ me rrugë të paasfaltuara dhe gropa! Banorët: Ka 30 vite kështu, të merren masa

Rrugët e lagjes “Shehër” në Lezhë, nuk plotësojnë asnjë standard. Ato janë të pa asfaltuara, me gropa dhe pa ndriçim. Banorët thonë se nuk është bërë asnjëherë ndërhyrje.

Nuk janë pamjet e ndonjë fshati të thellë malor, por të lagjes "Sheher" në qytetin e Lezhës. Kjo zonë e cila ndodhet në periferi të qytetit ka probleme të mëdha me infrastrukturën. Rrugët janë të dëmtuara dhe plot gropa. Për ndriçim apo trotuare nuk bëhet fjalë duke vështirësuar lëvizjen e këmbësoreve dhe automjeteve.

“Problem është. Me shpresë kanë thënë që do e bëjnë, e inshallah e asfaltojnë. Kjo është vetëm për fuoristradë”, tha një banor. 

“Është shqetësuese shumë për njerëz, fëmijë shkolle. Duhet me e marr fëmijën në krah”, tha një e moshuar.

Banorë të zonës thonë se pavarësisht premtimeve, ende nuk është bërë asnjëherë ndërhyrje e mirëfilltë në zonë.

“Nuk dimë kujt ti drejtohemi për as njëlloj gjëje. Vetëm kemi mbetur të jetojmë këtu. Kjo është e nevojshme shumë. Ka 30 vjet që është kështu”, tha një tjetër banor.

E vetmja ndërhyrje në këtë zonë që jetojnë më shumë se 50 familje, është hedhja e çakullit, megjithatë me rënien e shirave ai nuk qëndron dhe rruga kthehet sërish në gjendjen e mëparshme.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Purini: 05/07/2023 09:28

    Votoni Pirinin.....hyp kur e shif Stamollin tani..????????

    Përgjigju
  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

Media britanike ‘Daily Mail’: Mirë se vini në Rivierën Shqiptare, destinacioni i ri i pushimeve me ujëra bruz dhe plazhe të pacenuara

Media britanike ‘Daily Mail’: Mirë se vini në Rivierën Shqiptare, destinacioni i ri i pushimeve me ujëra bruz dhe plazhe të pacenuara

23 Korrik, 08:07