Mungesa e shërbimit ambulator i ka shoqëruar ndër vite vizitorët dhe turistët, të cilët kanë zgjedhur plazhin e Tales për të pushuar. Urgjenca më e afërt ështe në Tale 2, por aty nuk ka as ambulacë.
Ky shërbim është marrë në spitalin e Lezhës që ndodhet 25 kilometra larg bregdetit. Një vit më parë, një pushues kosovar humbi jetën pa mundur të marrë ndihmën e parë, pasi autoambulanca vonoi për shkak të trafikut.
Administratori i Shënkollit Albert Rrusti, thotë se mungesa e shërbimit ambulator gjatë sezonit turistik është një problem serioz.
Është e pamundur të përballojë fluksin e madh të pushuesve në bregdetin e Tales, sepse këtu frekuentojnë rreth 25-30 mijë pushues në ditë. Ne i kemi kërkuar ministrisë së Shëndetësisë vendosjen e një shërbimi ambulant, pranë zonës së plazhit që pushuesit të marrin shërbimin e parë sa më shpejt. Ne edhe vite të tjera i kemi kërkuar që të na mundësohet ky shërbim, por kjo ka ngelur vetëm në letër.
Albert Rrusti, administrator i Shënkollit
Në Drejtorinë Rajonale të Shëndetësisë në Lezhë, thuhet se në bashkëpunim me Ministrinë e Shëndetësisë, rasti është në vlerësim. Drejtoresha e këtij institucioni, Zoje Zefaj, shprehet se ky shërbim nuk do t’u mungojë këtë verë në bregdetin e Tales.
Aktualisht jemi në komunikim me ministrinë e Shëndetësisë, dhe po merren masa për mirëfunksionimin e shërbimit shëndetësor në periudhën turistike në zonën e Tales.
Zoje Zefaj, drejtore e Shëndetësisë Lezhë
Në stinën e verës, në Tale dhjetëfishohet numri i rezidentëve ditorë, e kjo do të thotë më shumë pacientë që mund të kërkojnë shërbim urgjence.
Lajme të tjera
-
Moti i keq në Lezhë, 60-vjeçari rrezikoi të mbytej në plazhin e Tales! Niset drejt spitalit në gjendje të rëndë
7 Gusht 2023, 11:40 -
Plazhi i Talës në Lezhë gjithnjë e më i vizituar nga turistë! Pushuesit vlerësojnë rërën kurative, pastërtinë e çmimet
12 Korrik 2023, 14:41
-
Rrezikoi të mbytet në plazhin e Tales në Lezhë, pushuesit shpëtojnë 18 vjeçarin! I riu transportohet në spital
9 Qershor 2023, 18:24 -
Plazhi i Talës me hapësirë për plazh publik, pushuesit: Mungon pastërtia
23 Korrik 2020, 17:33
